Hebru 11:29 - Tedim Bible

²⁹ Lei keu tunga pai bang keekin Israel mite in San Tuipi a kantan theihna uh zong a upna hang mah uh ahi hi. Amaute’ pai bangin Egypt mite in pai ding a sawm uh ciangin tui in a tuumcip hi.

Tedim Bible Revision 2017

²⁹ Lei keu tunga pai bang keekin Israel mite in San Tuipi a kantan theihna uh zong a upna hang mah uh ahi hi. Amauteʼ pai bangin Egypt mite in pai ding a sawm uh ciangin tui in a tuumcip hi.

Hebru 11:29 Referans Kwoze

Paikhiatna 14:13

Moses in mite tungah, “Lau kei un, kiptakin om un. Note-a’ dingin tuni-a hong sep ding Topa’ hotkhiatna mu un. Bang hang hiam cih leh tuni-a na muh uh Egypt mite, note in na mukik nawn kei ding uh hi.

Late 78:13

Amah in tuipi kikhensakin amaute kantansak a, tuite a lompi-in a omsak hi.

Joshua 2:10

Bang hang hiam cih leh Egypt panin nong paikhiat lai-un Topa in note’ mai-ah San Tuipi a kansakna, le Jordan galkhat a om na suksiatmang uh Amor mite’ kumpi nihte ahi Sihon le Og tungah na bawlna uh ka za khin uh hi.

Late 66:6

Amah in tuipi tui pen leikeu suaksak a, i pu i pate in a khe uh tawh tua tuipi na kantan uh hi. Tua bangin ama nasepna hangin eite i lungdam hi.

Nehemiah 9:11

Amaute’ mai-ah tuipi phelkham na hih manin tuipi laizang lei keu tungah amaute paisuak uh a, ahi zongin tuihual sunga suanglot bangin tui thukna sungah amau a delhte na lawn hi.

Paikhiatna 14:22

Israel mite, tuipi laizang lei keu tungah pai uh a, amau’ taklam le veilamah kawm bangin tuite om hi.

Paikhiatna 14:27

Tua ahih ciangin Moses in tuipi tungah a khut zan a, a zingsang khuavak ciangin a luan ngei bangin tuipi hong luangkik hi. Tua tui sung panin Egypt mite taikhiat sawm uh a, ahi zongin Topa in tuipi laizangah Egypt mite zogawp hi.