Hebru 11:10 - Tedim Bible

¹⁰ Pasian in geelin a lam, bulkip a nei khuapi, Abraham in a ngakna-in tua bangin a om ahi hi.

Tedim Bible Revision 2017

¹⁰ Pasian in geelin a lam, bulkip a nei khuapi, Abraham in a ngakna-in tua bangin a om ahi hi.

Hebru 11:10 Referans Kwoze

Hebru 13:14

Eite a dingin hih leitungah a kip khuapi om lo ahih manin a hong piang lai ding khuapi a zong ihi hi.

Filippi 3:20

Ahi zongin eite ihih leh vantung gam mite ihi a, vantung panin a hong pai ding Topa Jesuh Khrih, eite’ Honpa, lawptakin a ngakte ihi hi.

Hebru 12:22

Ahi zongin note pen Zion Mual, a nungta Pasian’ khuapi, vantung Jerusalem, simzawh loh vantung mite a omna,

2 KORIN NIHNA 5:1

Bang hang hiam cih leh hih ka tenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote a dingin a hong bawlsak inn, vantungah a nei ding ka hihna uh ka thei uh hi.

Hebru 3:4

Inn khempeuh a lam na om ciat sam a, ahi zongin na khempeuh a piangsak pa pen Pasian ahi hi.

Johan 14:2

Note’ om nading mun a bawlkhol dingin a pai ding ka hi hi. Ka Pa’ inn sungah om nading mun tampi om hi. A om lo ding hileh hih bangin thu ka hong gen kei ding hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.

Hebru 12:28

Tua ahih manin a kilingsak zo lo Pasian’ gam i ngah manin lungdamin, zahtakna le lamdangsakna tawh Pasian’ lungkimna bangin amah bia ni.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Hebru 11:16

Ahi zongin amaute’ lunggulh pen leitung sangin a hoihzaw vantung gam ahi hi. Pasian in amaute a dingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.