Hebru 10:39 - Tedim Bible

³⁹ Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Tedim Bible Revision 2017

³⁹ Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Hebru 10:39 Referans Kwoze

1 JOHAN MASA 5:5

Kuate in leitung nate zo ding ahi hiam i cih leh, Jesuh pen Pasian’ Tapa hi, ci-in a umte bek in zo ding uh hi.

1 PETER MASA 1:5

Note’ upna hangin nitawp ni ciangin na ngah ding uh hotkhiatna nomau-a’ ahihna a kilatsak nadingin Pasian in ama vangliatna tawh a hong kepsak ahi hi.

Marka 16:16

Lungdamna Thu umin tui a kiphum mi peuhpeuh in hotkhiatna ngah ding a, a um lo mi peuhpeuh in mawhsakna thuak ding uh hi.

1 JOHAN MASA 5:16

Mi khatpeuh in a Khristian mipihte a sih nading zah ciang ahi lo mawhna a gamta a muh leh ama a dingin thu ngetsak tahen. Ama thungetna bangin Pasian in a nuntakna suksak lo ding hi. Hih pen sihna zah ciang mawhna a hilote ka cihna ahi hi. Ahi zongin sih nading zah ciang ahi mawhna om a, tuate a’ ding ngetsak un, a ci ka hi kei hi.

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi.

2 PETER NIHNA 3:7

Tu-in tua Pasian’ kampauna mah tawh, mei tawh haltum dingin tu-in a om vantung le leitung a kikoihcing hi a, Pasian a um lo mite thu kikhenin a kisuksiat hun ding bek ngakin a om ahi uh hi.

Hebru 11:1

Upna nei i cih ciangin i muhtheih nai loh i lamette ngah takpi ding, ci-in muanna lungsim neihna ahi hi.

1 THESALONIKA MASA 5:9

Pasian in ama hehna a thuak dingin eite a hong teel hi lo a, i Topa Jesuh Khrih hangin hotkhiatna a ngah dingin a hong teel ahi hi.

Johan 17:12

Amaute tawh ka omkhawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa simloh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Luka 11:26

Tua ciangin amah paikhia kikin, amah sangin a siazaw dawi sagih hong paipih a, a sungah lutin a teng uh hi. Tua mipa’ pianzia pen a masa sangin hong siazaw hi,” a ci hi.

Late 44:18

Ngiate’ omna-ah kote hong balnen gawpin, khuamialpi sungah nong paihdak ding zahin, ka lungsim uh kihei nai lo a, ka kalsuan uh lampial nai lo hi.

2 THESALONIKA NIHNA 2:3

Ahi zongin kuama khemsa-in ta kei un. Bang hang hiam cih leh nakpitakin Pasian langpanna lianpi le hell khuksung a tung ding ahi A Gilopa hong kilat matengin tua Ni hong tung lo ding hi.

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Paunak 14:14

Misia in siatna thaman ngah a, mipha in phatna thaman ngah hi.

Paunak 1:32

Bang hang hiam cih leh thu thei lote in pilna a don loh manun sihlawh uh a, mihaite in lunghihmawhna a neih loh manun siatlawh uh hi.

Mangmuhna 17:11

Nidangin omngei a, ahi zongin tu-in a om nawn lo ganhing pen kumpi sagihte tawh a kipawl a kumpi giatna hi a, sihna thuak dingin a pai ding ahi hi.

Hebru 10:26

Thuman thutak i theih khit ciangin mawhna i bawl hamtang lai leh i mawhna a kimaisak nadingin biakpiakna dang om nawn lo a,

1 TIMOTI MASA 6:9

Ahi zongin a haunuam mite in ze-etna a tuamtuam thuak a, duhhopna, huaihamna a haivai thute-ah awkcipin, haksatna le siatna a tuahlawh uh hi.

Johan 5:24

“A mantakin kong genin-ah: Ka thugennate za-in kei hong sawl pa a um khempeuh a nungta paisuak ding hita hi. Mawhsak thukhenna ngah nawn loin, sihna panin a hingkik ta ahi hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta mite’ min a kikhumna laibu sungah leitung pianma-in a kigelh nai lo, tu laitakin leitungah a om mite in tua ganhing a et uh ciangin lamdangsa ding uh hi.

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uhleh tua mite tungah ka lungkim kei ding hi,” na ci hi.