Hebru 10:36 - Tedim Bible

³⁶ Pasian’ deihna bangin gamta-in, ama thuciam na ngahtheih nadingun lungduai-in thuakzawhna na kisam uh hi.

Tedim Bible Revision 2017

³⁶ Pasianʼ deihna bangin gamta-in, ama thuciam na ngah theih nadingun lungduai-in thuak zawhna na kisam uh hi.

Hebru 10:36 Referans Kwoze

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Late 37:7

Topa’ mai-ah khawl dide inla, lungduai takin ngak in. A hihna a daupai pa tung le siatna a bawlpa tungah kilungso tawmsak ke’n!

1 KORIN MASA 13:7

Itna neite lungkia cih om ngei lo hi; a upna, a lametna, lungduai takin a ngaknate uh a mawkna cih om ngei lo hi.

Luka 21:19

Hih bangin thuakzo le-uhcin nuntakna taktak ngah ding na hih manun kiptakin om un.

Hebru 6:15

Abraham in lungduai takin na ngak ahih manin Pasian’ thuciam a ngah hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

Mangmuhna 14:12

Pasian’ thupiakna zui-in Jesuh tungah a citak Pasian’ mite a dingin thuakzawhna kisam hi.

1 JOHAN MASA 2:17

Leitung nate le leitung deihnate a beibei ding hita a, ahi zongin Pasian’ deihna bangin a gamta mite pen kip tawntung ding hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuakzo mite in hotkhiatna a ngah ding uh hi.

Kolose 1:11

Note in lungduai maitai takin thuakzo-in, khuavak gam sungah a om Pasian’ mite tawh nopsakna a ngahkhawm thei dingin a hong bawl i Pa tungah lungdamna na koh theih nadingun a minthang ama vangliatna in note tungah thahatna hong guan tahen.

ROM (Romans) 8:25

I muh lohte i lamet ciangin lungduaitakin i ngak thei hi.

Hebru 9:15

Thuciamna masa in a huamkhak mite, a mawhna panun a suahtak theih nading uh ngeina om pen a si suak khinta ahih manin, Pasian’ sap mite in a ciamsa tawntung thupha a ngahtheih nadingun Khrih in thuciamna thak a hong vaihawm ahi hi.

Kolose 3:24

Topa in note tungah thaman a hong piak ding lamtak phawk gige un. Tua bangin na sepna uhah Khrih Topa’ na a semsem na hi uh hi.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

Efesa 6:6

A hong pahtak ding uh deihna tawh amaute’ muhsung bekin tuaci gamtat kei unla, Khrih’ sila na hihna hangun Pasian’ hong deih bangin lungsim takpi tawh na sem un.

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

Mattiu 24:13

Ahi zongin a bei dongin a thuakzote in hotkhiatna ngah ding uh hi.

1 PETER MASA 1:9

Tua bangin na upna uh hangin kha thu-ah hotkhiatna a ngah na hi uh hi.

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

Sawltak 13:22

Pasian in kumpi dingin Saul a zat nawn loh ciangin amaute’ kumpi dingin David a semsak hi. Pasian in David’ thu genin, ‘Ka sawl khempeuh a sem ding, ka deih bang mi khat, Jessi’ tapa David ka mukhin hi,’ a cihsa thu ahi hi.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Mattiu 21:31

Hih tapa nihte sung panin a koi bel pen a pa’ deih bangin gamta ahi hiam?” a ci hi. Amaute in, “A ta uzaw a ta hi,” a ci uh hi. Tua ciangin Jesuh in amaute kiangah, “Note kiangah a mantak a kong genin-ah: Pasian’ ukna sungah note sangin siahdongte le numei paktatte lut masazaw ding hi.

Mattiu 12:50

Vantungah a om ka Pa’ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lutthei kim lo ding uh a, vantungah a om ka Pa’ deihna bangin a gamtateng bek lutthei ding uh hi.

Late 40:1

Topa lamenin ka ngak ngiungeu a, amah kei lam hong nga-in ka kikona aw hong za hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

Sawltak 13:36

David in ama hun lai-in Pasian’ deihna bangin na sem a, a sih ciangin a pu a pate gei mahah kisialin muatna a thuak hi.

Marka 3:35

Pasian’ deihna bangin a gamta mi khempeuh ka nu le ka sanggamte ahi uh hi,” a ci hi.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Hebru 11:39

Hih mite’ upna lian mahmah hi, ci-in a kitheih hangin piak dingin Pasian in a ciamsa thute a ngah nai kei uh hi.