Hebru 10:31 - Tedim Bible

³¹ A nungta Pasian’ khut sungah thumang loin i tunkhak ding a lauhuai mahmah ahi hi.

Tedim Bible Revision 2017

³¹ A nungta Pasianʼ khut sungah thumang loin i tun khak ding a lauhuai mahmah ahi hi.

Hebru 10:31 Referans Kwoze

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Luka 12:5

Kuate kihta ding na hi uh hiam cih leh, mite in a thah khitsa mipa pen hell khuk sungah a khiathuah theilai Pasian na kihta un.

Hebru 12:29

Bang hang hiam cih leh eite’ Pasian pen a kangtum thei meikuang tawh a kibang ahi hi.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

Late 76:7

Ahih hangin nang na kihtakhuai mahmah hi. Na heh khit phot ciangin nangma mai-ah kua ding ngam nawn ding ahi hiam?

Late 90:11

Nang hong kizahtak nadingin na sinsona’ vangliatna kua in thei a, na hehna’ husiatna kua in thei ahi hiam?

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Hebru 10:27

a kihtakhuai thukhenna le Pasian’ thu a nial mite a kangtum ding meikuangpi bek omlai hi.

Late 50:22

“Tua ahih ciangin Pasian a mangngilh mite aw, hih thu ciamteh un. Tua hikeileh note kong balgawp ding hi. Note hong honkhia ding kuamah om lo hi.

Luka 21:11

Mun khempeuhah nakpitakin zin hong lingin, kialpi le pulnatna zong hong tung ding hi. A kihtakhuai a tuamtuamte le lim lianpipi vanah hong kilang ding hi.

Isaiah 19:16

Tua ni ciangin Egypt mite, numei bang ding uh a, Vanglian Topa in amaute a khut a sinsanna hangin lau-in ling ding uh hi.

Sawltak 13:11

Tu-in Topa in nang hong su ding a, na mit taw-in tawlkhat sung khua na mu kei ding hi,” a cih khit phetin, meii vom in Elymas’ mit tuamcip a, a khut lenin amah a paipih ding mi a zawt kawikawi hi.

2 KORIN NIHNA 5:11

Pasian zahtak nading thu ka lungsim uhah om tawntung ahih manin mite ka zolzawh nadingun ka hanciam uh hi. Pasian in kote’ lungsim teltakin hong thei a, note in zong na lungsim uhah kei hong thei dingin ka hong um hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.