Hebru 10:20 - Tedim Bible

²⁰ Ama pumpi mahmah ahi dalna puan tawnin nuntakna lampi-ah i pai theih nadingin amah in lampi thak hong honsak hi.

Tedim Bible Revision 2017

²⁰ Ama pumpi mahmah ahi dalna puan tawnin nuntakna lampi ah i pai theih nadingin amah in lampi thak hong honsak hi.

Hebru 10:20 Referans Kwoze

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuakkha loin, a ututun sungtumin pusuakin lonona mun a mu ding uh hi.

Hebru 9:3

Tua Siangtho Mun a kideina zomah Siangtho Pen Mun a kici a dei dang khat om leuleu hi.

Hebru 9:8

A puanung inndei a om laiteng a sungnung ahi, a Siangtho Pen Mun a kihong nai lo ahihna thu Kha Siangtho in hong kilangsak hi.

Hebru 6:19

I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.

Johan 10:7

Tua ahih manin Jesuh in amaute kiangah thu genkik leuleu a, “A mantakin ci lehang, kei pen tuute’ paina kongpi ka hi hi.

1 JOHAN MASA 4:2

Pasian’ Kha sawlna tawh thugente le adangte bangci khentheih ding na hi uh hiam cih leh: Jesuh Khrih pen mihing bangin hong pai hi, ci-in a gente khempeuh Pasian Kha’ lamlahna tawh thugen ahi hi.

1 PETER MASA 3:18

Khrih mahmah zong note a dingin si a, Pasian’ kiangah hong tunpih theih nadingin mihoih khat pen mihoih lote’ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Luka 23:45

tua hun sungin biakinn sung dalna puan kikekin phelnih a suak hi.

Marka 15:38

Biakinn sunga kidalna puan a tung lam pan a taw dongin kikekin phelnih a kisuah hi.

Mattiu 27:51

Tua laitakin biakinn sung deina puan, a lu panin a taw dongin kikekin phelnih a suak hi. Zin zong lingin suangtumpite kitam hi.

Siampi Laibu 16:2

Topa in Moses kiangah, “Thuciamna singkuang tunga om hehpihna tokhom mai, dalna puan sunglam a siangtho munah a hunlopi-in hong pai nawn loh nadingin na sanggampa Aaron kiangah gen in. A hunlopi-in hong pai leh amah si ding hi. Bang hang hiam cih leh tua mun pen hehpihna tokhom tunga meii sungah kei ka kilatna mun ahi hi.

2 JOHAN NIHNA 1:7

Bang hang hiam cih leh leitungah midangte a khem tampi hong omta a, tua mite in Jesuh Khrih, mihing banga hong paina thu a nial uh hi. Tua bang mite pen mi khemte hi a, Khrih’ Gal ahi uh hi.

Efesa 2:15

Amah tawh kipawlna hangin minam nihte pawlkhat a suahtheih nadingin minam a dei Jew Thukham le a ngeinate khempeuh phiatin, eite pawlkhat hong suahin a hong kilemsak hi.

Siampi Laibu 21:23

Ahih hangin amah in poina nei ahih manin, ka biakbuk a daisak loh nadingin dalna puan gei ahi a, biakna tau nai-ah ahi zongin hong pai lo ding hi. Bang hang hiam cih leh amaute a siangthosakpa pen keimah Topa ka hi hi,” a ci hi.

Siampi Laibu 16:15

“Tua ciangin amah in mite a’ ding ahi khialhna hanga biakna keel go-in, dalna puan sungah a si paipih ding a, bawngtal si a theh mah bangin a si thehin, hehpihna tokhom tung le hehpihna tokhom mai-ah theh ding hi.