Haggai 2:9 - Tedim Bible

⁹ Biakinn thak pen a lui sangin hoihzaw-in thupizaw ding hi. Hih biakinn-ah cihtheihna le nopsakna kong pia ding hi,” cisak hi.

Tedim Bible Revision 2017

⁹ Biakinn thak pen a lui sangin hoih zaw-in thupi zaw ding hi. Hih biakinn ah cihtheihna le nopsakna kong pia ding hi,” cisak hi.

Haggai 2:9 Referans Kwoze

1 TIMOTI MASA 3:16

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Johan 14:27

Note tungah keima neih bang lungnopna ka hong pia ding hi. Tua ka hong piak ding lungnopna pen leitung mite in a piaktheih a kip lo lungnopnate pawl hi lo hi. Tua ahih manin lau kei unla, zong lungkham kei un.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Luka 2:14

“Van a sang belna-ah a om Pasian’ min thang hen la, ama pahtak leitung mite tungah nopna om ta hen,” a ci uh hi.

Jeim 2:1

Sanggamte aw, minthanna vang tawh a kidim i Topa Jesuh Khrih umin na om laitakun a pualama kilang pianziate siksanin mi na deidan kei un.

Sawltak 10:36

Mi khempeuh’ Topa ahi Jesuh Khrih hangin a kingah Lungdamna Thu, Israel mite tungah Pasian in a puakna thu na thei uh hi.

Micah 5:5

Amah in lungnopna hong omsak ding hi. Assiria mite in i gam hong simin i galdalna teng hong suk ciangin, amaute a do dingin i makai hatpen teng i sawl ding hi.

Isaiah 60:7

Kedar gam tuuhonte khempeuh nang kiangah hong kipua ding a, Nebaioth mite’ tuutalte nangma deih nana-ah kizang ding hi. Ka biakna tau tungah piak dingin tuate hong kipaipih ding a, keimah in a minthang ka biakinn ka minthangsak semsem ding hi.

Isaiah 66:12

Topa in hih bangin ci hi: Tu-in gunpi bangin nopsakna le tuiletkhia bangin minamte’ hauhna ama tungah ka tungsak ding hi. Note pen a nu’ nawi teepin, a ang-ah kipua a, a khuk tungah a diang naungek na bang ding uh hi.

Haggai 1:8

Tu-in mualtungah kuanto unla, sing sui un. Tua singte tawh biakinn lamkik le-uhcin kei ka lungkim ding a, nong biak ding uha kilawm bangin kei nong bia thei ding uh hi.

Haggai 2:3

“Nidanga biakinn a hoihna dan a ciamteh theilai na om uh hiam? Tu-in bangci na sa uh hiam? Note’ muhna-ah a gen taak het lo tawh kibang ding hi.

Zekhariah 2:5

Tua khuapi a hu dingin meikulh bangin Topa mahmah a omna ding, le tua khua sungah a minthanna tawh a tenna ding thu, Topa in kam ciamzo hi, ci-in va gen in,” a ci hi.

Ezekiel 43:5

Tua ciangin Topa’ kha in hong la-in a tual sungnungah hong paipih a, tua lai panin, Topa’ minthanna vang tawh biakinnsung a kidimna ka mu hi.