Haggai 2:5 - Tedim Bible

⁵ Egypt gam panin na paikhiat lai-un, note kong ompih tawntungna ding thu kong ciam hi. Tu-in zong note hong ompihlai ka hih manin lau kei un.

Tedim Bible Revision 2017

⁵ Egypt gam panin na paikhiat lai-un, note kong ompih tawntungna ding thu kong ciam hi. Tu-in zong note hong ompih lai ka hih manin lau kei un.

Haggai 2:5 Referans Kwoze

Paikhiatna 34:10

Topa in Moses kiangah, “En in, keimah in thuciamna khat ka bawl hi. Nangma mi khempeuh’ muhna-ah, leitung khempeuh hitaleh minam khatpeuh sungah hitaleh cikmahin tua bang a kibawl ngei lo na lamdangte ka bawl ding a, note’ lakah a om mite khempeuh in Topa’ nasepna mu ding uh hi. Bang hang hiam cih leh note’ tungah kong bawl ding na pen a kihtakhuai thu ahi hi.

Nehemiah 9:20

Amaute hoihtakin thu na hilh a, na manna an zong amaute kiang panin na lakik kei a, a dangtakna uh a phasak dingin tui na pia hi.

Isaiah 41:13

Bang hang hiam cih leh keimah Topa na Pasian in na khut taklam ka len hi. “Lau kei in, nangmah kong huh ding hi,” nang tungah a hong ci pa keimah ka hi hi.

Zekhariah 8:13

A beisa hunah, Judah gammite le Israel gammite pen, minam dangte in kihamsiatna-in zang uh a, ‘Judah le Israel-te’ thuak bangin thuak un,’ kici uh hi. Ahi zongin note kong honkhia ding a, tu-in midangte in, ‘Judah le Israel bangin thupha ngah un,’ ci-in thupha kipiakna-in zang ding uh hi. Tua ahih manin na lungsim uh hangsak unla lau kei un.

Zekhariah 8:15

Ahi zongin tu-in Jerusalem khua mite le Judah gammite tungah thupha piak ding ka ngaihsun hi. Tua ahih ciangin lunghimawh kei un.

Sawltak 27:24

‘Paul aw, lunghimawh kei in. Gam uk kumpipa mai-ah na ding ding a, Pasian in nang hong hehpih ahih manin nang le na khualzinpihte khempeuh na suakta ding uh hi,’ hong ci hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesuh a zong na hihlam uh ka thei hi.

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tunzo ding hi.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang mite’ khut sungah amaute na pia hi.

2 KHANG TANGTHU NIHNATE 20:17

Note in hih kidona-ah na do ding uh kisam lo hi. Judah gam mite le Jerusalem khuamite aw, na panmun uh la-in taang loin ding unla, note’ tangin Topa’ gualzawhna mu un,’ ci hi. Kihta kei unla, lungkia kei un. Zing ciangin amaute a do-in pai un. Topa in note hong ompih ding hi,” a ci hi.

Joshua 8:1

Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai-ah paito in. Nangma khut sungah Ai kumpipa le a mite, a khuapi, le a leitang kong piak khitna thei in.

Paikhiatna 34:8

Moses in leilak lamah a lu kunin a bia hi.

Paikhiatna 19:4

Egypt mite tungah ka bawlna le muvanlai in a kha tawh a note a puak bangin note hong pua-in keima kiangah kong paipihna na mu khin uh hi.

Paikhiatna 19:6

note pen keima siampi nasep a sem minam, le minam siangtho na hi ding uh hi. Israel mite tungah hih thute na gen ding ahi hi,” a ci hi.

Paikhiatna 24:3

Moses hong pai-in Topa’ thugente khempeuh le biakna ngeinate khempeuh mite kiangah a gen hi. Mi khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Paikhiatna 24:8

Tua ciangin Moses in sisan la-in mite’ tungah theh a, “Hih thute khempeuh tawh kizui-in Topa in note tawh a bawlsa thuciamna sisan en un,” a ci hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

1 SAMUEL MASA 12:20

Tua ciangin Samuel in mite kiangah, “Lau kei un; hih siatnate khempeuh na gamta khin uh hi. Ahi zongin Topa zuihna panin pial kei unla, na lungsim khempeuh uh tawh Topa’ na sem un.