Haggai 2:21 - Tedim Bible

²¹ “Vanpi le leipi a lokgawp ding ka hihna thu, Judah gam ukpa Zerubbabel kiangah gen in.

Tedim Bible Revision 2017

²¹ “Vanpi le leipi a lok gawp ding ka hihna thu, Judah gam ukpa Zerubbabel kiangah gen in.

Haggai 2:21 Referans Kwoze

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtiel’ tapa Zerubbabel, Judah gam ukpa le Jehozadak’ tapa Joshua, siampi lianpen pa tungah gen ding ahi hi.

Ezra 5:2

Tua ciangin Shealtiel’ tapa Zerubbabel le Jozadak’ tapa Jeshua, Jerusalem-a Pasian’ biakinn lamkik ding kipan pah uh a, Pasian’ kamsangte in amaute ompihin huh uh hi.

Late 46:6

Minamte lungkham uh a, kumpi gamte kiling hi. Ama aw gingkhiasak a, leitung kicimgawp hi.

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua, le salsuahna panin a hong ciahkik mi khempeuh’ sungah biakinn lamnopna lungsim a guan hi. Vanglian Topa, amau’ Pasian’ biakinn a lam dingin hong kithawi uh a,

Joel 3:16

Zion Mual panin Topa hong hawksuk a, Jerusalem panin hong awngkek a, vanpi le leipi a ling damdam hi. Ahi zongin Topa pen ama mite’ belh pa hi a, Israel mite a hu ding hi.

Ezekiel 26:15

Topa Pasian in Taia khuapi tungah hih bangin thu gen hi: “Nang hong kisimin hong kilak ni ciangin na sunga kithat mite’ kut vengvangna in tuipi dunga teng mite lau-in patausak ding hi.

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum, le Baanah-te makai-in tua mite a ciahpih uh hi. Israel mi phazahte:

1 KHANG TANGTHU MASATE 3:19

Pedaiah’ tapate: Zerubbabel le Shimei ahi uh hi. Zerubbabel’ tapate: Meshullam le Hananiah hi a, Shelomith kici tanu khat zong nei hi.

Ezekiel 21:27

Siacip! Siacip! Hih khuapi ka siacimitsak ding a, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.