Haggai 2:19 - Tedim Bible

¹⁹ Na ansal uhah na upmawhzah sangun an na tawmzaw lai ding ahi hiam? Leenggui le theikung, mang kawlsing le oliv kungte gah nai lo lai ding ahi hiam? Tua bang hi nawn lo ding a, tuni a kipanin note thupha kong pia ding hi, ci hi,” a ci hi.

Tedim Bible Revision 2017

¹⁹ Na ansal uh ah na upmawh zah sangun an na tawm zaw lai ding ahi hiam? Leenggui le theikung, mang kawlsing le oliv kungte gah nai lo lai ding ahi hiam? Tua bang hi nawn lo dinga, tu ni a kipanin note thupha kong pia ding hi, ci hi,” a ci hi.

Haggai 2:19 Referans Kwoze

Malakhi 3:10

Ka biakinn-ah an a om theih nadingin sawm-ah-khat a kimin hong paipih un. Kei hong ze-et un; vantung kongkhakte hongin, note a dingin na hoih tampi kong piakna na mu ding uh hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Late 84:12

Vanglian Topa aw, nangmah a hong muang mite, thupha ngah mi ahi uh hi.

Thu-hilhkikna 15:10

Citna tawh amah na pia ding uh a, amah na piak uh ciangin lungsim neihna na nei kei ding uh hi. Topa na Pasian un na sepna na hihna khempeuh uhah hih thu hangin note thupha hong pia ding hi.

Piancilna 26:12

Isaac in tua leitangah khai tuh a, tua kum mahin a zah zakhat la hi. Topa in amah thupha pia a,

Late 133:3

Tua pen Zion mualte tungah a kia, Hermon mual pana hong piang daitui tawh kibang hi. Bang hang hiam cih leh Topa in nuntak tawntungna thupha tua munah a pia hi.

Jeremiah 31:12

Amaute hong pai-in Zion mual tungah ngaihtakin la sa ding uh a, Topa’ hehpihna ahi, buh, leenggahzu, sathau le tuuno, bawngnote’ hangin amaute a lungdam mahmah ding uh hi. A nuntakna uh, tui a kibuak huan bang ding a, lungkham nawn lo ding uh hi.

Jeremiah 31:14

An lim pen tawh siampite ka vak ding a, keima hoihna hangin ka mite a lungkim ding uh hi, Topa in ka ci hi,” a ci hi.

Joel 1:12

Leengguite keu a, theikungte vuai ta hi. Mang kawlsingte, nisuhte, epel kungte a kipan singkung khempeuh keumang khin hi. Mihingte a lungdamna dingteng zong a maimang ta hi.

Joel 2:14

Topa, eite’ Pasian in a lungsim hong kheelin an hauhsakna tawh thupha hong piakha ding hi. Tua hileh ama tungah an le leenggahzu tawh biakna i pia thei ding hi.

Thu-hilhkikna 28:22

Topa in pulnatna le cisa natna, meima nasia le a sa mahmah keutumna, huihpi’ mutgawpna le a nom tawh note hong vatgawp ding a, note na sih matengun tuate na thuak ding uh hi.

JOB (Job) 39:12

Lo a na anpiangte hong kaihkhop sakin, na ancilna-ah an hong khawm dingin um na hi hiam?

Haggai 1:11

Keimah in gam sung teng, mualtung khempeuh, leitang pana a piang kung khempeuh, mihing, ganhing, le mite’ nasepna khempeuhah keuna ka tungsak hi,” a ci hi.