Haggai 1:14 - Tedim Bible

¹⁴ Tua hi a, Topa in Judah gam ukpa Zerubbabel, siampi lianpen pa Joshua, le salsuahna panin a hong ciahkik mi khempeuh’ sungah biakinn lamnopna lungsim a guan hi. Vanglian Topa, amau’ Pasian’ biakinn a lam dingin hong kithawi uh a,

Tedim Bible Revision 2017

¹⁴ Tua hi a, Topa in Judah gam ukpa Zerubbabel, siampi lianpen pa Joshua le salsuahna panin a hong ciahkik mi khempeuhʼ sungah biakinn lam nopna lungsim a guan hi. Vanglian Topa, amauʼ Pasianʼ biakinn a lam dingin hong kithawi uh a,

Haggai 1:14 Referans Kwoze

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tun theih nadingin, Topa in Persia kumpipa Sairas’ lungsim hanthawn a, amah in a kumpi gam sung khempeuhah taangkona khat bawl a, lai-in zong a gelh hi. A lai gelhna-ah,

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

Haggai 2:21

“Vanpi le leipi a lokgawp ding ka hihna thu, Judah gam ukpa Zerubbabel kiangah gen in.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtiel’ tapa Zerubbabel, Judah gam ukpa le Jehozadak’ tapa Joshua, siampi lianpen pa tungah gen ding ahi hi.

Ezra 1:5

Tua ciangin Judah le Benjamin sunga innkuan lutangte, le siampite le Levi mite, Jerusalem khua-a om Topa’ biakinn a lamkik dingin a lungsim sung uhah Pasian in a suahsak mite khempeuh kithawi uh hi.

Ezra 1:1

Persia kumpi Sairas’ uk kum khatna kumin, Jeremiah tungtawnin Topa’ thugen a tun theih nadingin, ama gam sung khempeuhah taangkona khat bawlin lai-in zong a gelh nadingin Persia kumpi Sairas’ lungsimah Topa in a suaksak hi. Amah in hih bangin a hih hi:

1 KHANG TANGTHU MASATE 5:26

Tua ahih ciangin Israel Pasian in Assiria kumpipa Pul (Tiglathpileser zong a kici) Assiria kumpipa hansuah a, amah in Reuben mite, Gad mite, le Manasseh minam alangte puakhia-in, Halah, Habor, Hara khuate, le Gozan gun dungah paipihin tuni dongin tua gamte-ah om uh hi.

Haggai 2:2

Judah gam ukpa Zerubbabel, siampi lianpen pa Joshua, le mi khempeuh tungah thu a gen dingin sawl a,

Nehemiah 4:6

Tua ahih ciangin kulh ka ciang uh a, nasep a kimciang bang kizo hi. Mite in utna lungsim tawh sem uh hi.

Ezra 5:8

“Judah gam, a lian Pasian’ biakinn-ah ka va paina uh kong theisak uh hi. Tua biakinn pen suang lianpipite tawh kilamin a kawmte sing tawh kibawl hi. Hih biakinn limtakin kisemin amau’ makaihna tawh a nasep uh telh mahmah hi.

Ezra 5:2

Tua ciangin Shealtiel’ tapa Zerubbabel le Jozadak’ tapa Jeshua, Jerusalem-a Pasian’ biakinn lamkik ding kipan pah uh a, Pasian’ kamsangte in amaute ompihin huh uh hi.

2 KORIN NIHNA 8:16

Kote’ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Haggai 1:12

Tua ciangin Sheatiel’ tapa Zerubbabel, Jehozadak’ tapa Joshua ahi siampi lianpen pa, le salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin a lau uh hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Haggai 1:15

Darias in kumpi a sep a kum nihna kum, a kha gukna a ni sawmnih le ni li ni-in biakinn lam hong kipan uh hi.