Haggai 1:1 - Tedim Bible

¹ Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtiel’ tapa Zerubbabel, Judah gam ukpa le Jehozadak’ tapa Joshua, siampi lianpen pa tungah gen ding ahi hi.

Tedim Bible Revision 2017

¹ Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtielʼ tapa Zerubbabel, Judah gam ukpa le Jehozadakʼ tapa Joshua, siampi lianpen pa tungah gen ding ahi hi.

Haggai 1:1 Referans Kwoze

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum, le Baanah-te makai-in tua mite a ciahpih uh hi. Israel mi phazahte:

Ezra 3:8

Amaute, Jerusalem khua-a Pasian’ biakinn-ah a hong ciahkik uh a kum nihna, tua kum a kha nihna sungin Shealtiel’ tapa Zerubbabel le Jozadak’ tapa Jeshua, nasep kipan uh a, a Israel mipihte, siampite, Levi mite, le salsuahna panin Jerusalem-ah a hong ciahkik mite khempeuh in zong a huh uh hi. Amaute in Levi mite kum sawmnih panin a tungsiah peuhmah Topa’ biakinn sungah biakna nasepte a vaan dingin a seh uh hi.

Ezra 3:2

Tua ciangin Jozadak’ tapa Jeshua le a siampipihte, le Shealtiel’ tapa Zerubbabel le a behte hong kipan uh a, Pasian’ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Haggai 2:10

Gam uk kumpipa Darias in a uk a kum nihna mah, a kha kuana a ni sawmnih le ni li ni-in kamsang Haggai tungah Topa in thu gen leuleu a,

Haggai 1:12

Tua ciangin Sheatiel’ tapa Zerubbabel, Jehozadak’ tapa Joshua ahi siampi lianpen pa, le salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin a lau uh hi.

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua, le salsuahna panin a hong ciahkik mi khempeuh’ sungah biakinn lamnopna lungsim a guan hi. Vanglian Topa, amau’ Pasian’ biakinn a lam dingin hong kithawi uh a,

Ezra 6:14

Tua hi a, kamsang Haggai le Iddo’ suan Zekhariah’ thugenna hangin Judah upate in a biakinn lam uh zom suakin maavang uh hi. Israel Pasian’ sawlna le Persia kumpi Sairas le Darias le Artakzaksis-te’ thupiakna tawh amaute in a biakinn lam uh a zo uh hi.

Haggai 2:20

Tua kha a ni sawmnih le ni li ni mahin Topa in Haggai tungah a nihveina thu genkik a,

Haggai 2:4

Tu-in note kuamah lungkia kei un. Note tawh hong omkhawm ka hih manin nasep kipan un.

Nehemiah 12:10

Tua hi a, Jeshua pen Joiakim’ pa, Joiakim pen Eliashib’ pa, Eliashib pen Joiada’ pa,

Nehemiah 12:1

Shealtiel’ tapa Zerubbabel le Jeshua tawh a hong ciahkik siampite le Levi mite: Seraiah, Jeremiah, Ezra,

Nehemiah 8:9

Tua ciangin a gam ukpa Nehemiah, laithei pa lah hi-in siampi lah ahi Ezra, le mite a hilh Levi mite in amaute khempeuh kiangah, “Tuni pen Topa note’ Pasian a dingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

Nehemiah 5:14

Tua tham loin, Judah gam a uk dingin hong kiseh hun a kipan, Kumpi Artakzaksis’ kum sawmnihna pan a kum sawmthum le nihna dong, kum sawm le nih sung, kei le ka behte in gam ukte’ ngah ngei ante ka ne kei uh hi.

Ezra 4:24

Tua hun a kipanin Jerusalem-a om Pasian’ biakinn a kisepna a khawl hi. Persia kumpi Darias’ uk a kum nihna dong tua bangin a khawlcip phot hi.

Ezra 4:2

Zerubbabel, Jeshua, le innkuan lutangte kiangah va pai-in amaute kiangah, “Biakinn lamna-ah ko zong hong kihelsak un; bang hang hiam cih leh note mah bangin ko zong na Pasian uh ka bia uh a, hih lai-ah kote hong koih Assiria kumpipa Esarhaddon’ hun lai a kipanin note’ Pasian’ tungah biakna ka pia uh hi,” a ci uh hi.

Ezra 2:63

Urim le Thummim aisanna tawh ai a san ding siampi khat a om mateng amaute in biakna an siangpente a nek loh nading uh gam ukpa in a gen hi.

Ezra 1:8

Persia kumpi Sairas in hihte pusuahin sumkem pa Mithredath’ khut sungah ap hi. Tua pa in Judah ukpa Sheshbazzar a dingin a malzah simin sazian bawlsak hi.

1 KHANG TANGTHU MASATE 3:19

Pedaiah’ tapate: Zerubbabel le Shimei ahi uh hi. Zerubbabel’ tapate: Meshullam le Hananiah hi a, Shelomith kici tanu khat zong nei hi.

1 KHANG TANGTHU MASATE 3:17

Babylon-ah sal a suak Jehoiakhin’ tapate: A tapa Shealtiel,

2 KUMPI NIHNATE 14:25

Amah in Gathhefer pana kamsangpa, Amittai’ tapa, a nasem Jonah’ tungtawnin Israel Pasian, Topa’ thugen bangin, Hamath lutna panin Arabah Tuipi dong Israel gam a ngahkik hi.

1 KUMPI MASATE 14:18

Tua ciangin a nasem kamsang Ahijah tungtawnin Topa’ thugenna tawh kizui-in Israel mi khempeuh in amah vui-in ama hangin a kap uh hi.

Luka 3:27

Joda’ pa Joanan, Joanan’ pa Resa, Resa’ pa Zerubbabel, Zerubbabel’ pa Shealtiel, Shealtiel’ pa Neri,

Paikhiatna 4:13

Ahih hangin amah in, “Oh, ka Topa aw, hong thum ing; midang khat sawl zaw in,” a ci hi.

Ezra 5:1

Tu-in kamsangte Haggai le Iddo’ suan Zekhariah in Judah gam le Jerusalem-ah a om Judah mite hanthawnin, Israel Pasian’ min tawh thu a gen uh hi.

Ezra 5:3

Tua laitakin Eufratis Gungal gam sung teng a uk sawn Tattenai, Shetharbozenai, le amau’ lawmte hong paipahin amaute kiangah, “Note in hih biakinn lamkikin a nate na bawlna ding uh kua in thu hong pia ahi hiam?” a ci uh hi.

Ezra 10:18

Siampite beh lak panin Jozadak’ tapa Jeshua le a sanggamte beh sung panin Maaseiah, Eliezer, Jarib, le Gedaliah-te in gamdang numei a tenpihna kimu hi.

Haggai 1:2

Vanglian Topa in thu gen a, “Hih mite in, biakinn lamkik ding hun nai lo hi, ci uh hi,” a ci hi.

Haggai 1:3

Tua ciangin kamsang Haggai tungah Topa in hih bangin thu gen a,

Haggai 2:21

“Vanpi le leipi a lokgawp ding ka hihna thu, Judah gam ukpa Zerubbabel kiangah gen in.

Malakhi 1:8

Ganhing a mittawpite tawh kei nong biak uh ciangin, a hoihmahin kingaihsun na hi uh hiam? A khebai, a cina ganhingte tawh nong biak uh ciangin, a hoihmah kisa na hi uh hiam? Tua bang ganhing khat peuhpeuh, note hong ukpa kiangah va puak dih un. Note tungah nuamin hong pakta ding ahi hiam?” a ci hi.

Haggai 1:15

Darias in kumpi a sep a kum nihna kum, a kha gukna a ni sawmnih le ni li ni-in biakinn lam hong kipan uh hi.

Zekhariah 1:1

Persia gam uk Kumpipa Darias in a uk a kum nihna, a kha giatna sungin Topa in kamsang Zekhariah tungah thu a gen hi. Zekhariah pen Berekhiah’ tapa hi a, ama pu Iddo ahi hi.

Zekhariah 3:1

Topa in maang hong musak a, Topa’ vantungmi mai-ah siampi lianpen pa Joshua’ mawhna a zong dingin a kiangah Satan zong a om ka mu hi.