Habakkuk 2:3 - Tedim Bible

³ Hih thu a tunna ding hun hi pah nai lo ahih manin lai-in ciamteh in. Ahi zongin hong tung baihta ding a, kong lah khempeuh a manin hong tung ding hi. A tung hak tawh a kibangkha ahi zongin ngak keikai in. Ka seh hun a cin ciangin hong tung takpi ding a, zekai lua nawn lo ding hi.

Tedim Bible Revision 2017

³ Hih thu a tun nading hun hi pah nai lo ahih manin lai-in ciamteh in. Ahi zongin hong tung baih ta dinga, kong lah khempeuh a manin hong tung ding hi. A tung hak tawh a kibang kha ahi zongin ngak keikai in. Ka seh hun a cin ciangin hong tung takpi dinga, zekai lua nawn lo ding hi.

Habakkuk 2:3 Referans Kwoze

Late 27:14

Topa muang in. Thakhauh inla, na lungsim hangsakin, Topa muang in.

Ezekiel 12:25

Topa ahi keimah in amaute tungah thu ka gen ding a, ka gen bangin tung takpi ding hi. Tu-in zekai nawn lo ding hi. A lehdo thei mihingte aw, hih dingin ka gen bangin nomau’ nuntak sung mahmahin ka tungsak ding hi. Topa Pasian ahi keimah in thu ka gen khinzo hi,” a hong ci hi.

Late 102:13

Nangmah tho-in Zion khua na hehpih ding hi. Amah na angvan hun ding hita a, a kiciangtansa hun hong tung khin hi.

Daniel 10:14

Mailam hunah na mipihte’ tunga hong tung ding thu a hilhkhol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Micah 7:7

Ahi zongin ke’n ahihleh Topa mah ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

Sawltak 1:7

Jesuh in, “Ka Pa in ama thu tawh a sehsa hun le nite, cik ciangin hong tung ding cih thu note’ theih ding thu hi lo hi.

Daniel 8:19

Amah in, “Pasian’ hehna hangin thupiang dingte ka hong lak ding hi. Na maangmuh pen hun beina ding lahna ahi hi.

Galati 4:2

A pa in ama gamhluah dingteng a piakma, a neulai hun sungteng, midang in tua naupang kemin a vai ding a hawmsak hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Daniel 11:35

Mi pawlkhat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasian’ sehsa hun a tunna ahi hi.

Sawltak 17:26

Mihing khat tung panin leitung minam khempeuh hong piangsakin, leitung khempeuhah a omsak hi. Amah in mihingte a piansakma pekin, mihingte’ nuntak tanvei ding le a ten nading uh mun a sehsa ahi hi.

Daniel 8:17

Gabriel hong pai-in ka kiangah hong ding a, laulua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.

Paikhiatna 12:41

Kum zali le kum sawmthum a cin ni teekteekin Egypt leitang panin Topa’ mihonpite paikhia uh hi.

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.

Daniel 11:27

Tua kumpi tegel in sabuai khat tungah tu-in an a nekhawm ding uh hi. Ahih hangin a ngaihsutna uh a hoih zawsang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngahzo kei uh hi.

2 KUMPI NIHNATE 6:33

Amaute tawh amah a kiho laitakin ama kiangah kumpipa hong paisukin, “Hih lungkhamna Topa’ piansak hi lo ahi hiam! Bang hangin Topa in bang khat peuhpeuh a sep ding ngaklai ding ka hi hiam?” a ci hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Jeremiah 27:7

Ama gam a kisiat hun a tun mateng gam khempeuh in amah a kipan a tapa le a tupa’ na a sepsak ding uh hi. Tua khit ciangin gam tampi le kumpi liante in amah salin a lehneih kik ding uh hi.

2 PETER NIHNA 3:9

Mi pawlkhatte’ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

Isaiah 8:17

Jakob’ innkuante’ kiang panin a maitang a seel Topa ngakin amah ka muang ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kangtum ding hi.

Gamlak-vakna 23:19

A zuau dingin Pasian pen mihing hi lo a, a kisik dingin mihing’ tapa hi lo hi. Amah in gen khin hi; a gen bangin hih lo ding ahi hiam? Amah in ci khin hi; a cih bangin tungsak lo ding ahi hiam?

Isaiah 7:4

ama tungah, ‘Kidawm inla, om khinkhian in. Lau kei in. Syria kumpipa Rezin le Remaliah’ tapa’ hehna pen, sing tumbang nih a khute tawh kibang lel ahih manin na lung gimsak kei in.

Ezekiel 30:9

“Tua bangin Egypt gam a siat ni hun hong tun ciangin bangmah khuaphawk loin a om Ethiopia mite kiangah kamtaite ka sawl ding a, amaute lau mahmah ding uh hi. Tua hun ding tu-in hong tungta hi.