Habakkuk 2:2 - Tedim Bible

² Tua ciangin Topa in hih bangin hong dawng a, “Nangmah ka hong muhsak thu khempeuh a simnop mahmah dingin tungman peek tungah gelh in.

Tedim Bible Revision 2017

² Tua ciangin Topa in hih bangin hong dawng a, “Nangmah ka hong muhsak thu khempeuh a sim nop mahmah dingin tungman peek tungah gelh in.

Habakkuk 2:2 Referans Kwoze

Isaiah 30:8

Tu-in pai inla, hong tung lai ding hunte-ah teci ahi ngitnget dingin amaute’ mai-ah suangpek tungah gelh inla, laibu khat sungah at in.

Mangmuhna 14:13

Tua ciangin vantung panin awging khat ka za a, “Tu a kipanin Topa thu-ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amaute’ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Thu-hilhkikna 31:22

Tua ahih ciangin tua ni mahin Moses in hih la gelh a, Israel mite a hilh hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallakah mi tampite in bang thu piang hiam cih theitel nuamin a hanciam ding uh hi,” a hong ci hi.

Isaiah 8:1

Tua ciangin Topa in kei kiangah, “Suangpek lianpi khat la inla, tua tungah mihingte’ theihkim lai tawh, ‘Mahershalahashbaz,’ ci-in gelh in,” hong ci hi.

Thu-hilhkikna 27:8

Hih thute khempeuh tua suangte tungah a kitel takin na gelh ding uh hi,” a ci uh hi.

Thu-hilhkikna 31:19

“Tua ahih ciangin hih lai gelh inla, Israel mite hilh in. Hih la, kei a dingin Israel mite’ langkhatah teci a suah theih nadingin amaute tungah hilh in.

Mangmuhna 19:9

Tua ciangin vantungmi in keima kiangah, “Hih thu gelh in: Tuuno’ zineihna pawi-ah a kisam mite a hampha mahmah ahi hi,” hong cihkhit ciangin, “Hihte pen Pasian’ gen taktak kammal ahi hi,” hong cithuah lai hi.

2 KORIN NIHNA 3:12

Hih bang lametna nei ka hih manun hangtakin a om ka hi uh hi.

1 KORIN MASA 14:19

Ahi ta zongin pawlpite’ biak kikhopna sungah pau lamdang kam tul sawm bang ka pau sangin midangte’ phattuam nadingin a theih ding uh kammal nga bek ka pauzaw ding hi.

ROM (Romans) 15:4

Lai Siangtho sungah a om thu khempeuh pen eite hilh nading, eite in lametna nei-in i thuakzawh nading, le i thahat theih nadingin a kigelh ahi hi.

Jeremiah 30:2

“Topa, Israel mite’ Pasian in kong genin-ah: Kong gensa thute khempeuh laibu khat sungah khum in.

Daniel 7:1

Belshazzar, Babylon kumpi a suahzawh a kum masa kumin keimah Daniel in mang khat ka man a, zanin maang ka mu hi. Ka mangmat lai-in ka gelh a, tua zan a ka maangmuhnate ka ciaptehna hih bang ahi hi: