Habakkuk 1:9 - Tedim Bible

⁹ “A susiagawp dingin hong kuankhia uh a, a sukkhak ding uh mi khempeuh lau mahmah uh hi. A galmatte uh tam mahmah a, sehnel zahin kisim zo lo hi.

Tedim Bible Revision 2017

⁹ “A susia gawp dingin hong kuan khia uh a, a sukkhak ding uh mi khempeuh lau mahmah uh hi. A galmatte uh tam mahmah a, sehnel zahin kisim zo lo hi.

Habakkuk 1:9 Referans Kwoze

ROM (Romans) 9:27

Isaiah in Israel mite’ thu a genna-ah, “Israel mite, tuipi gei-a sehnel zahin a tam hangin mi tawmno khat bek suakta ding uh hi.

Habakkuk 1:6

A omkhong thei lo, a kihtakhuai Khaldea mite, a vang ka liansak ding a, leitung khempeuhah amaute pai-in gam khempeuh a zo mangkhin ding uh hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh le a tuinakte uh a kangsak ding hi. Tua huih in a manpha nate le deih theih peuhpeuh leenmang ding hi.

Hosea 1:10

Ahi zongin, tehzawh loh, simzawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Ezekiel 19:12

Ahi zongin hehna tawh leenggui kizungbawh a, leilak kidenna hi. Nisuahna huihpi hong nung a, a gahteng keutumsak hi. A hiangte kikuaitan a, keu-in kihaltum hi.

Ezekiel 17:10

Hih leenggui pen a kisuan hi mah hi. Ahi zongin hingin khangzo ding ahi hiam? Nisuahna huihpi in a mutkhiat ciangin keutum ding hi lo ahi hiam? Tua a kisuanna munah keutum lel ding hi lo ahi hiam?” a hong ci hi.

Jeremiah 34:22

En un, Topa in kong cihin-ah, keimah in thu ka pia ding a, hih khuapi-ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuama’ ten lohna mun awng ka suaksak ding hi,” a hong ci hi.

Jeremiah 25:9

en un, leilu lama om minam khempeuhte le ka nasempa ahi Babylon kumpipa Nebukhadnezzar ka vaikhak ding a, hih gam le a sunga a teng mi khempeuh le hih kiima om gam khempeuh a sim dingin ka va la ding hi. Keimah in amaute ka susia mangkhin ding a, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 15:8

Tuipi a sehnel omzah sangin nupi meigong ka tamsakzaw ding hi. Na tangvalte uh a khan laitakin ka that ding a, a nute uh ka lunggimsak ding hi. Note’ tungah thakhat thu-in lungkhamna le launa ka hong tungsak ding hi.

Jeremiah 4:11

Tua hun ciangin hih mite le Jerusalem khua mite kiangah, “A sa mahmah huih, sehnel gam a sang mun panin ka mite tungah hong nung ding a, tua huih pen anvaite a zapsiang dingin a nung huih bang hi lo hi.

Jeremiah 4:7

Humpinelkai khat a bukna sawlkawm panin hong kuankhiazo a, gamte a susia ding pa hong paikhiazo hi. Na gam uh a kisiasak ding le na khuapite uhah kuamah a ten loh nadingin a susia dingin ama omna panin hong kuankhia khinzo hi.

Isaiah 27:8

A kithukkim dingin amaute sal suahsakna tawh gim a pia hi. Nisuahna huihpi in a mutkhiat bangin amaute a khinkhia hi.

Late 139:18

Tuate a mal sim leng sehnel sangin tamzaw hi. Ka khanlawh ciangin nang tawh ka omkhawm lai hi.

JOB (Job) 29:18

“Ka nuntak kum sehnel zahin a tam dingin ka ngaihsun a, lungnuam takin inn-ah a si dingin ka kilamen hi.

Thukhente 7:12

Midian mite, Amalek mite le Nisuahna lam mite khempeuh kauphe bangin tamin kuam dungah om uh hi. A kalaohte uh simzawh hi lo a, a tamna pen tuipi gei-a sehnel omzah bang ahi hi.

Piancilna 41:49

A teh ding a khawl dong zahin Josef in tuipi gei sehnel zahin antang tampi khol hi. Bang hang hiam cih leh kiteh khin zo lo hi.

2 KUMPI NIHNATE 12:17

Tua hun laitakin Syria kumpipa Hazael kuanto-in Gath simin a la hi. Ahih hangin Hazael in Jerusalem simin a paito dingin a mai a ngat ciangin,

Daniel 11:17

“Syria kumpipa in a galkap neih khempeuh zangin galsim ding a ngaihsun ding hi. Olno takin a gualzawh theih nadingin a tanu le a galte tensak ding a ngaihsun ding hi. Ahih hangin a tangtungzo kei veve ding hi.

Habakkuk 1:17

Amaute in a namsau uh zangin, hehpihna mel nei loin mi that ding ahi uh hiam?