Habakkuk 1:8 - Tedim Bible

⁸ “A sakolte uh kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin a galte a leenlak uh hi.

Tedim Bible Revision 2017

⁸ “A sakolte uh kamkei sangin tai hat zaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei ah a khe phut uh hi. Muvanlai in sa a bawh bangin a galte a leenlak uh hi.

Habakkuk 1:8 Referans Kwoze

Jeremiah 4:13

En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtak kung khat a dawn va kuaitan a,

Jeremiah 5:6

Tua ahih manin tulak panin humpinelkai in amaute that ding a, sehnel gam panin keivom in amaute a petgawp ding hi. Kamkei in a khuapite uh limtakin vil gige a, a pusuakkhia peuhpeuh balzan gawp ding hi. Bang hang hiam cih leh amaute’ mawhna tamlua a, hong taisan mun lua uh hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amau’ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, note’ langkhatah hong paipih ding a,

Luka 17:37

Tua ciangin a nungzuite in Jesuh kiangah, “Topa aw, koi laitakah tua thute hong piang ding ahi hiam?” ci-in a dot uh ciangin Jesuh in, “Sapul omna peuhah musane a om mah bangin mi omna peuhah hong piang ding hi,” ci-in a dawng hi.

Mattiu 24:28

“Sapul omna peuhah musane kikaikhawm ding hi.”

Ezekiel 17:12

“Hih a lehdo thei mite in hih thugentehna a khiatna a thei uh hiam, dong in. Jerusalem khua-ah Babylon kumpipa hong pai-in a kumpipa le a uliante manin Babylon-ah a ciahpihna thu gen in.

Kah la 4:19

Mu ak bawh sangin a manlang zaw-in amaute in a hong delh uh hi. Amaute in mualtung panin hong delhsuk uh a, theihkholh lohin a hong man khin uh hi.

JOB (Job) 9:26

Pumpeeng gunkuang bangin ka hun nawhpai a, muvanlai sa bawh bangin a nawhlen’ hi.

Isaiah 11:14

Ahih hangin amaute in nitumna lama om Filistia mite simkhawm ding uh a, nisuahna lama om mite luhkhawm ding uh hi. Amaute in Edom mite le Moab mite zogawp ding uh a, Ammon mite in amau’ thu mang ding uh hi.

Jeremiah 48:40

Topa in kong cihin-ah: En in, muvanlai leeng bangin manlang takin gam khat hong leeng ding a, Moab gam a sim dingin a kha hong zal ding hi.

Jeremiah 50:42

A thal uh le a teipi uh tawi uh a, gilo mahmahin hehpihna lungsim nei lo uh hi. A husa uh tuipi ging bang a, sakol tungah tuang uh hi. Babylon mite aw, note a hong simgawp dingin hong kithawi uh hi.

Ezekiel 26:11

Sakol galkapte in kongzing khempeuh tuancilgawp ding uh a, a namsau uh tawh mi khempeuh vatlum ding uh hi. Innkhuam lianpipite leilak kidenna ding hi.

Nahum 2:5

Galkap mangte kikaikhawm a, a galkapte uh thu pia uh hi. Amaute, kan phung lam kidenna uh a, a lum uh tawh kidal uh hi.