Habakkuk 1:12 - Tedim Bible

¹² Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amaute’ tungah vang a pia bek na hi hi.

Tedim Bible Revision 2017

¹² Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amauteʼ tungah vang a pia bek na hi hi.

Habakkuk 1:12 Referans Kwoze

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Late 90:2

Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Thu-hilhkikna 33:27

Tawntung Pasian pen nangma omna hi a, nangmah huh dingin tawntung khutte a om hi. Amah in na mai-ah galte nawtkhia-in, ‘Susia un,’ ci hi.

Jeremiah 46:28

Topa in kong cihin-ah, ka nasem Jakob’ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin ding a, ahih hangin note kong susia khin kei ding hi. A kilawm zahin kong thuhilh ding a, gim pia loin kong mawk koih kei ding hi,” a hong ci hi.

Jeremiah 30:11

Bang hang hiam cih leh Topa in kong cihin-ah, a hong honkhia dingin note kong ompih hi. Note ka hong thehthangna gamte khempeuh ka susia ding a, ahih hangin note kong susia kei ding hi. A kilawm zahin kong thuhilh ding a, gim pia loin kong mawk nusiat kei ding hi.

Late 93:2

Tanglai pek panin na tokhom a kipsa hi a, nang pen a tawntung a om na hi hi.

Hebru 13:8

Jesuh Khrih pen zani, tuni, a tawntungin kibang ngitnget hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi hen la, vanglian tawntung tahen. Amen.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Sawltak 3:14

Amah mi hoih mi siangtho hinapi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Malakhi 3:6

“Kei, Topa ka hi a, lungsim a kheel lo mi ka hi hi. No Jakob suanlekhakte aw, a siacimit na hi nai kei uh hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, kote’ hunin zong hong hih kik in. Na heh hun ciang nangawnin zong hehpihna lungsim hong nei in.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Ezekiel 30:25

Amah ka thaneemsak ding a, Babylon kumpipa ka thakhauhsak ding hi. Tua ciangin Topa ka hihna thu amaute in hong thei ding uh hi. Babylon kumpipa’ khut sungah ka namsau ka piak ciangin amah in Egypt lam a ngat ding hi.

Kah la 5:19

Ahih hangin Topa aw, nang na hih leh a tawntungin kumpi na hi a, hun tawp dongin na uk paisuak ding hi.

Isaiah 43:15

Kei pen Topa, note’ Siangtho Pa, Israel a Piangsak pa, note’ Kumpi ka hi hi,” ci hi.

Isaiah 40:28

Thei nai lo a, za nai lo na hi hiam? Topa pen tawntung Pasian hi a, leitung mong khempeuh dong a Piangsak pa ahi hi. Amah gim lo a, zong tawl lo hi. Ama thu theihtelna kigen zo lo hi.

Mangmuhna 1:8

A beisa hun, tuhun, le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Isaiah 49:7

Israel a honpa le ama Siangtho Pa ahi Topa in nakpitakin simmawhna a thuak, minamte in a muhdah, gam ukte’ nasempa tungah: “Nangmah a hong teel Israel-te’ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai-ah hong ding ding uh a, na mai-ah uliante hong kun ding uh hi,” hong ci hi.

Isaiah 37:26

“‘Sawt pek a kipan ka ngaihsutsa ahih lamtak za ngei nai lo na hi hiam? Nang in khuapi muanhuaite susia gawpin ninbulomtang na suahsakna ding, a sunga teng mite a thahatna uh bei-in, lungkia-in a ommawkna ding, amaute pen lolai-a om kungnote le lopa ngeekte, innkhum zangah a po, a khankhit ma-in a keutum lopate tawh a kibatna ding, tu-in ka tunsak ding thute pen tanglai pek panin ka ngaihsutsa thu ahi hi.

Late 118:17

Kei ka si kei ding a, ka hing ding hi. Topa’ sepnate ka gengen ding hi.

Late 18:1

Ka thahatna ahi Topa aw, nangmah ka hong it hi.

Late 17:13

Topa aw, tho in! Amaute maiphut inla, thalpaih in! Topa aw, a deih khempeuh uh hih leitungah a nei migilote kiang panin na khut le na namsau tawh kei hong honkhia in. Amau a dingin na koihcing gimnate thuaksak inla, a tate un zong a cingvalin thuak uh hen la, a naungekte uh a’ ding nangawn nusiat lai ta uh hen.

2 KUMPI NIHNATE 19:25

Sawt pek lai-in ka ngaihsutsa ahihlam za nai lo na hi hiam? Tanglai pek panin ka geelkholhsa hi a, tu-a ka tunsak ding thute kulh a nei khuapite ninbulomtangin na heina ding,

1 SAMUEL MASA 2:2

“Topa bangin a siangtho kuamah dang om lo a, amah simloh kuamah dang om lo a, i Pasian tawh a kibang hong hu dang om lo hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Jeremiah 5:18

“Ahih hangin tua bang hun ciang nangawnin, Topa in kong cihin-ah, note kong sumaimang khin sam kei ding hi.

Jeremiah 4:27

Bang hang hiam cih leh Topa in, “Gam buppi, gamlak suak ding a, ahih hangin ka susia sam kei ding hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Piancilna 21:33

Abraham in Beersheba-ah makeng kung khat suan a, tua lai munah Tawntung Pasian, Topa a bia hi.

Late 102:24

Keimah in, “Khang tawntungin a kip ka Pasian aw, hong khansihsak kei in,” ka ci hi.

Isaiah 31:1

Egypt gamah huhna ngen dingin paisuk a, sakol suanin nei-in leengte a tam manin muang a, sakol tung tuangte a hat mahmah manin muang napi-in Israel-te’ Siangtho Pa a suang lo, Topa thu a dong lote in gimna ngah ta hen!

Isaiah 37:23

Nang in kua zahko-in kua a simmawh na hi hiam? Nang in kua’ tungah na aw sangsakin kiphasak na hi hiam? Israel-te’ Siangtho Pa, kei’ tungah a hong tuaci na hi hi.

Habakkuk 3:6

Amah a khawl ciangin leitung ling a, amah in a et ciangin minam khempeuh ling uh hi. Tangtawng lai-in a totsa, tanglai mual liante kitam kham a, a om tawntung mual neute kimetcip hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

Late 74:12

Ahi zongin Pasian pen tanglai pek a kipanin kumpi hi tawntung a, hih leitungah a hong honkhia zelzel ngei ka Kumpi ahi hi.

Late 90:1

Topa aw, khang tawntungin kote’ omna mun na hi hi.

Late 149:2

Amah a Bawlpa tungah Israel lungdam hen la, amau’ Kumpipa’ tungah Zion mite kipak tahen.