Habakkuk 1:10 - Tedim Bible

¹⁰ Kumpite, simmawhbawl uh a, uliante nuihsan lel uh hi. Kulh muanhuaite zong nuihsan lel uh a, a kulhpua-ah lei sungvumin tua tungtawnin khuapi a la uh hi.

Tedim Bible Revision 2017

¹⁰ Kumpite, simmawh bawl uh a, uliante nuihsan lel uh hi. Kulh muanhuaite zong nuihsan lel uh a, a kulh pua ah lei sungvumin tua tungtawnin khuapi a la uh hi.

Habakkuk 1:10 Referans Kwoze

2 KHANG TANGTHU NIHNATE 36:6

Babylon kumpipa Nebukhadnezzar amah a simin hong kuanto a, Babylon-ah a paipih dingin amah kol bulh hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang, le pulnatna hangin amaute a sim Khaldea mite’ khut sungah khuapi a kipia ding hi. Nong gensa bangin hong tun loh phamawh ahih manin en in, nang’ na mu ta hi.

Isaiah 14:16

“Nangmah hong mu mite in nang hong en gega-in, nangma thu lungngai dedu ding uh a, ‘Hih mipa pen leitung a lingsak pa, kumpi gamte a lokgawp pa,

2 KHANG TANGTHU NIHNATE 36:10

Tua kum khuakhal sungin Kumpi Nebukhadnezzar in mi sawlin Topa’ biakinn-a umlebeel manphate tawh amah Babylon-ah lasak a, Judah le Jerusalem tungah Jehoiakhin’ sanggampa Zedekiah kumpi-in a koih hi.

Jeremiah 33:4

Bang hang hiam cih leh galte’ kan tawhna le galkidona hangin a kisusiagawp ding hih khuapi sunga innte le Judah kumpite’ innte tawh kisai-in, Topa, Israel mite’ Pasian in kong cihin-ah:

2 KUMPI NIHNATE 24:12

Tua ciangin Judah kumpipa Jehoiakhin in Babylon kumpipa tungah amah a kipan, ama nu, a nasemte, a uliante, le a kumpi inn-a zaneite a kipia hi. Topa in a genkholhsa bangin Babylon kumpipa in ama uk a kum giatna kumin thongkia-in amah la a, Topa’ biakinn-a van manpha khempeuh puakhia-in, Kumpi Solomon in a bawlsa, Topa’ biakinn sunga kham nazat khempeuh a satnen hi.

Isaiah 10:9

Kalno khuapi pen Karkhemish khuapi tawh kibang hi lo ahi hiam? Hamath khuapi pen Arpad khuapi tawh kibang hi lo ahi hiam? Samaria khuapi pen Damaskas khuapi tawh kibang hi lo ahi hiam?

Isaiah 37:13

Hamath kumpipa, Arpad kumpipa, Sefarvaim khuapi kumpipa, Hena kumpipa ahih kei leh Ivvah kumpipate koi-ah om ahi hiam?’ va ci un,” ci-in a gen hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote’ khut sungah note kong pia ding hi.

Ezekiel 26:8

Gam sunga om khuapi-a teng mi khempeuh galkidona sungah si ding uh hi. Note hong sim nadingun galte in dum to-in, phung ciangin, a kidalna dingun kulh muanhuai bawl ding uh hi.

Zefaniah 1:8

Topa in hih bangin thu gen a, “Tua bangin mite a kigawh ni-in, uliante le kumpipa’ tapate, le gamdangte’ ngeina a zuite khempeuh, gim ka pia ding hi.

Jeremiah 30:5

“Topa in kong cihin-ah: Launa le patauhna aw ka za a, lungnopna aw ka za kei hi.