Galati 6:3 - Tedim Bible

³ Mi khatpeuh, bangmah hi lo napi-in amah a kithupi ngaihsut mawkmawk leh amah le amah a kikhem ahi hi.

Tedim Bible Revision 2017

³ Mi khatpeuh, bangmah hi lo napi-in amah a kithupi ngaihsut mawkmawk leh amah le amah a kikhem ahi hi.

Galati 6:3 Referans Kwoze

Paunak 26:12

A pil lo kimlai a pil a kisapa sangin mihaite a dingin lametna omzaw lai hi.

1 KORIN MASA 3:18

Note khatpeuh hih leitung ngeina-ah a pilin na kingaihsut uhleh a pil taktak na hih theih nadingun a hai na suak phot un.

1 KORIN MASA 8:2

Mi khat in thu a thei-in a kingaihsut leh a taktakin a theih dingin a kilawmzah a thei nai lo ahi hi.

ROM (Romans) 12:3

Pasian in kei tungah hehpihna hong piakkhongna hangin note tungah kong gennop thu in: Note tawh a kituakzah valin kilian ngaihsutzaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.

2 KORIN NIHNA 3:5

Hih bang sepzawh nadingin kote in siamna nei ung a ci hi loin, sepzawh nading siamna pen Pasian hong piak ahi hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

1 JOHAN MASA 1:8

Mawhna ka nei kei hi, i cih leh eite a kineihkhem ihi a, eite a thutak lo ihi hi.

ROM (Romans) 12:16

Mi deidan loin a kibangin en un. Kiphasak loin mineute tawh kikhawlthei unla, kipilsak se kei un.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Jeim 1:22

Nomau kikhem tawmin thu zak bek tawh maisak kei unla, na zak bangun zui-in semzaw un.

Paunak 25:14

Bangmah a piak lohpi a kisialhpih pa pen guah a zusak tuan lo meiipi le huihpi nung tawh kibang lel hi.

Jeim 1:26

Mi khatpeuh in Khristian ka hi hi, ci napi-in kampau a kidopzawh kei leh amahmah a kikhemtawm hi lel a, ama biakna neih a mawkna ahi hi.

2 TIMOTI NIHNA 3:13

migilote le thuthei kineihin mi khem theite zong siattat semsemin, amaute in mi khemkhemin, amaute mah in zong khemna a thuak ding mah uh ahi hi.

2 KORIN NIHNA 12:11

Note in kei a hong pakta ding hinapi-in hong pakta lo na hih manun note’ bawlin mihai bangin kisialin ka gamta hi. Bang hang hiam cih leh kei pen bangmahpi ka hihloh hangin sawltak thupi mahmahin na ngaihsutte uh sangin themkhat zong ka neuzaw tuan het kei hi.

Galati 2:6

Jerusalem khua-a om makai lian a kinei mite in kei’ nasepna tawh kisai thu-ah bangmah genthuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Sawltak 5:36

Tuma lam tawlkhat lai-in Thudas a kici mi khat hong khang hi. Mi lian khat ka hi hi, ci-in gen a, mihing zali ding bang in amah pawlpih uh hi. Ahi zongin amah kithatin, a nungzui khempeuh kithehthang a, ama vai beita hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.