Galati 5:2 - Tedim Bible

² Tu-in keimah Paul in ka hong gen ding thu limtakin na ngai un: Note in vun-atna na zat uhleh note a dingin Khrih’ nasepna a kimanna a om het lo ahi hi.

Tedim Bible Revision 2017

² Tu-in keimah Paul in kong gen ding thu limtakin na ngai un: Note in vun-atna na zat uh leh note adingin Khrisʼ nasepna a kimanna a om het lo ahi hi.

Galati 5:2 Referans Kwoze

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Sawltak 15:1

Judea gam panin Antiok khua-ah mi pawlkhat hong pai uh a, innkuan khat bangin a om thu um mite kiangah, “Moses Thukham sungah a kigen bangin na vun uh na at kei uhleh hotkhiatna na ngah kei ding uh hi,” ci-in thu hilh ding hong kipan uh hi.

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thuzak uh amaute a dingin a phattuamna om lo hi.

Galati 5:11

Sanggamte aw, vun-atna kisam hi, ci-in a hilh lai hi leng, bang hangin bawlsiatna thuak zenzen ding ka hi hiam? Tua bangin thu a hilh hi leng, singlamteh tunga Khrih’ sihna thu ka hilhna hangin bangmah buaina a om kei ding hi.

2 KORIN NIHNA 10:1

Keimah Paul in Khrih migitna le lungduaina tawh note kiangah ka hong thum hi. Kei pen note tawh ka hong omkhawm laitakin a meidawi, note tawh ka omkhawm loh ciangin a tapkual han in hong kigen hi.

Sawltak 15:24

Kote’ hong sawl lohpi-in ko kiang panin mi pawlkhat hong pai-in a thugenna uh tawh note hong buaisakin hong lung-amsak hi, ci-in ka za uh hi.

1 THESALONIKA MASA 2:18

Note kiangah hong hawhkik nuam ka hih manun note kiangah hawhkik ding ka hanciam zelzel hangun kong pai ding uh Satan in hong khaktan hi.

Filemon 1:9

Hih bangin ka hong genna pen itna i neihna hang ahi hi. Tu lai takin Khrih taangmi ahi keimah Paul zong, Khrih Jesuh hangin thongkia-in a om ka hi hi.

1 KORIN MASA 16:21

Keimah Paul in ka hong hopih hi, cihna kamte ka khut mahmah tawh ka gelh ahi hi.

Sawltak 15:5

Ahi zongin Farisi mite sung panin thu um mi pawlkhat in, “Amaute in Moses Thukham zui-in, a vun uh a ki-at nading uh gen ding kisam hi,” a ci uh hi.

Filemon 1:19

Keimah Paul in ka hong loh ding hi, cihna thu keima khut mahmah tawh a lai ka gelh ahi hi. Nangma nuntakna bulpi mahmah zong keima hang ahihna thu gen kullo hi.