Galati 5:1 - Tedim Bible

¹ Khrih in eite hong khahkhiat khitna hangin mi suaktate hi khinta ihih manin tua suahtakna thu-ah kipin om unla, sila va suakkik nawn kei un.

Tedim Bible Revision 2017

¹ Khris in eite hong khahkhiat khitna hangin mi suaktate hi khinta ihih manin tua suahtakna thu ah kipin om unla, sila va suakkik nawn kei un.

Galati 5:1 Referans Kwoze

2 KORIN NIHNA 3:17

Hih lai munah Topa a cih pen Kha Siangtho hi a, Topa’ Kha Siangtho a omna mun peuhpeuhah suahtakna om hi.

Galati 5:13

Sanggamte aw, note ahihleh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zangzaw un.

1 PETER MASA 2:16

Sila ahi lo mi bangin gamta unla, ahi zongin gitloh gamtat nadingin na suahtakna uh zang loin Pasian’ sila bangin na gamtazaw un.

ROM (Romans) 6:14

Note pen thukham’ sawlna hangin nasem hi loin Pasian’ hong lah thuhoihte’ hangin nasem na hih uh manin mawhna’ sawlna mangin na gamta nawn kei un.

ROM (Romans) 8:2

Bang hang hiam cih leh Khrih Jesuh tawh a hong kipawlsak Kha Siangtho in mawhna le sihna a piangsak thukham panin kei hong suaktasak khinta hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a ginalo tua bangte lamah kiheikik nuam a, sila va suakkik nuam na hi uh hiam?

Hebru 10:23

Pasian in piak dingin a hong ciam thu muangngam ihih manin i lametna thu kiptakin len ni.

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Galati 4:31

Tua ahih manin sanggamte aw, eite pen sila numei’ tate ihi kei a, sila ahi lo numei’ tate ihi hi.

Mangmuhna 3:3

Tua ahih manin note a hong kihilh na zaksa uh thute phawkkik unla, tua thute zui-in na mawhna panun kisik kik un. Khua na phawk kei uhleh note kiangah guta bangin ka hong pai ding a, ka hong tunlam nangawn na thei kei ding uh hi.

2 PETER NIHNA 2:19

Amaute pen siatna a piangsak thei zongsatna lelin sila hinapi-un mite tungah suahtak nading thu a gen uh hi. Bang hang hiam cih leh mite pen, a hong zo peuhpeuhte’ sila ihi hi.

1 KORIN MASA 16:13

Kiging tawntungin na upna uhah kip unla, thahatin hang un.

ROM (Romans) 7:6

Ahi zongin nidangin a hong lencip thukham panin Pasian in eite hong suaktasak khin ahih manin tua thukham tawh kisai-ah eite a sikhin ihi hi. Lai sungah a kigelh thukham lui sungah nungta nawn loin, Kha Siangtho’ hong piak nuntakna thakah a nungta ihi hi.

ROM (Romans) 6:18

Mawhna’ vangliatna panin na suakta khinta uh a, a manin a gamta ding mite na hita uh hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Sawltak 15:10

Tua ahih ciangin i pute i pate a kipan ei mahmah in i puak zawh loh vangik pen Pasian’ heh theihtheih nadingin bang hangin thu um mite tungah suan ding ihi hiam?

1 KORIN MASA 7:22

Bang hang hiam cih leh Topa in a sap sila ahi mi pen Topa a dingin mi suakta hi a, tua mah bangin Khrih in a sap a suakta mi pen Khrih a dingin sila ahi hi.

Late 51:12

Nong hotkhiatna hangin hong lungdamsakkik inla, utna lungsim tawh keimah hong huh ta in.

Paunak 23:23

Thuman, pilna, siamna, thungaihsut theihna lei in; zuakkhiat dingin tuate pammaih lua hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmahin ka om laitakin Pasian in ama mite tungah a tawntungin a kimang dingin khatvei bek a hong piak upna thu-ah note in na nawksuak nadingun hanthotna gelh ding a kisapna thu ka phawk hi.

Filippi 1:27

Note tawh a omkhawm dingin ka hong paithei a, ka hong paithei kei zongin note in lungdamna thu tawh kipawl upna thu-ah ngimna kikhatin kiptakin na om nading uh le deihna kikhatin na dokhawmna thu uh ka zak theih nadingin Khrih hanga lungdamna thu tawh a kilawm a kituakin na nuntak ding uh a thupi pen ahi hi.

Efesa 6:14

Tua ahih ciangin kawnggak gak bangin thutak zang unla, awmdal bulh bangin thuman zang unla,

Mangmuhna 2:25

Ka hong pai matengin na neihsateng uh na lenkip ta un.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

2 THESALONIKA NIHNA 2:15

Tua ahih ciangin sanggamte aw, kam tawh ahi a, lai tawh ahi zongin ka hong hilh uh thumante limtakin zui unla, kiptakin om un.

1 THESALONIKA MASA 3:8

Topa’ thu-ah kiptakin om na hih manun tu-in ka husang theita uh hi.

Galati 4:26

Ahi zongin vantung Jerusalem pen sal hi lo a, eite’ pianna nu ahi hi.

Galati 3:25

Tu-in ahihleh upna hun hita ahih manin Thukham in eite hong uk thei nawn lo hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Mattiu 23:4

Amaute in midangte tungah vangik mahmah suanin khihcip uh a, ahi zongin tua van a puakpih dingin a khutmeno khat nangawn uh a taangsak nuam kei uh hi.

ROM (Romans) 7:3

Tua ahih manin a pasal a nuntak hun sungin pasal dang tawh a lupkhop leh mi tawh a mawh kici hi. Ahi zongin a pasal a si hileh thukham tawh kisai-in a suakta hi a, pasal dang a tenpih hangin mi tawh a mawh hi lo hi.

ROM (Romans) 8:15

Note tungah Pasian in a hong piak a Kha Siangtho in note na lau nadingun sila-in a hong bawl hi lo a, Kha Siangtho in Pasian’ tate a hong suaksak ahi zaw hi. Tua Kha Siangtho mah in Pasian pen, “Pa aw, Pa aw,” hong ci theisak hi.

2 KORIN NIHNA 11:20

Note, sila-in hong bawlin, note hong thangsiahin, na haina uh nuamtaksa-in hong hih thopthopin, note hong simmawh bawlin, na paang uh a hong bengbengte na sang uh hi.

Luka 5:38

Tua ahih manin savun um thak sungah leenggahzu thak a kikoih ding ahi hi.