Galati 4:7 - Tedim Bible

⁷ Tua ahih manin note pen sila hi nawn loin Pasian’ tate na hih manun Pasian in ama tate a dingin a koih khempeuh, note tungah hong pia ding hi.

Tedim Bible Revision 2017

⁷ Tua ahih manin note pen sila hi nawn loin Pasianʼ tate na hih manun Pasian in ama tate adingin a koih khempeuh, note tungah hong pia ding hi.

Galati 4:7 Referans Kwoze

Galati 3:29

Khrih tawh na kipawl nak-uhleh Abraham’ suante na hita uh a, Pasian’ hong khap thute a ngah ding na hi uh hi.

Galati 3:26

Khrih Jesuh tawh na kipawl manun note khempeuh Pasian’ tate na suahtheihna uh pen na upna hang uh ahi hi.

Galati 4:31

Tua ahih manin sanggamte aw, eite pen sila numei’ tate ihi kei a, sila ahi lo numei’ tate ihi hi.

Late 73:26

Ka lungsim le ka pumpi zawngkhal kha ding a, ahih hangin Pasian pen ka lungsim hatna le keima a’ hi tawntung ding hi.

Kah la 3:24

Topa longal neihdang nei lo ka hih manin ama tung bekah lametna ka nei hi.

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, “Abram aw, lau kei in. Keimah in lauhuaina panin nang ka hong hu ding a, na thaman lian mahmah ding hi,” a ci hi.

Mangmuhna 21:7

A gualzo mi khempeuh in kei tung panin a ngah ding thu in: Kei pen amaute’ Pasian ka hi ding a, amaute keima ta ahi ding uh hi.

Jeremiah 31:33

Ahih hangin Topa in kong cihin-ah, tua hun hong tun ciangin Israel minamte tawh hih bangin thuciamna ka bawl ding hi: Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.

Late 16:5

Topa pen keima luah dinga ka teelsa, keima muanpi na hi a, keima ngah ding khempeuh na khut sungah om hi.

Mattiu 6:24

“Kuamah, to nih’ sila hikhawm thei lo hi. Khat mudahin khat it ding a, khat tungah thumanin khat simmawhbawl ding hi. Note in Pasian’ na le leitung sum na na semkhawm zo kei ding uh hi.