Galati 4:3 - Tedim Bible

³ Tua mah bangin eite zong kha thu-ah i neulai hun sungteng huihlak a uk vangneite’ khutnuai-ah a om ihi hi.

Tedim Bible Revision 2017

³ Tua mah bangin eite zong kha thu ah i neu lai hun sungteng huihlak a uk vangneiteʼ khutnuai ah a om ihi hi.

Galati 4:3 Referans Kwoze

Kolose 2:20

Khrih tawh sikhawm khin na hih manun huihlak a ukte’ khutsung panin a suakta khin na hi uh hi. Tua hinapi-in, bang hangin hih leitung mite bangin gamta na hi uh hiam? Bang hangin ngeina a tuamtuamte,

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a ginalo tua bangte lamah kiheikik nuam a, sila va suakkik nuam na hi uh hiam?

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

Galati 4:31

Tua ahih manin sanggamte aw, eite pen sila numei’ tate ihi kei a, sila ahi lo numei’ tate ihi hi.

Sawltak 15:10

Tua ahih ciangin i pute i pate a kipan ei mahmah in i puak zawh loh vangik pen Pasian’ heh theihtheih nadingin bang hangin thu um mite tungah suan ding ihi hiam?

ROM (Romans) 8:15

Note tungah Pasian in a hong piak a Kha Siangtho in note na lau nadingun sila-in a hong bawl hi lo a, Kha Siangtho in Pasian’ tate a hong suaksak ahi zaw hi. Tua Kha Siangtho mah in Pasian pen, “Pa aw, Pa aw,” hong ci theisak hi.

Johan 8:31

Tua ahih manin amah a um Jew mite kiangah Jesuh in, “Ka thuhilhnate na zuih paisuak nak-uhleh ka nungzui taktakte na hi ding uh hi.

Hebru 7:16

Amah pen mihingte’ bawl ngeina zui-in siampi a suak hi lo a, a si thei lo nuntak tawntungna vang tawh siampi a suak ahi hi.

Galati 4:25

Arabia gam a om Sinai Mual lim ahi Hagar pen tu laitakin a mite tawh salin a om Jerusalem khuapi a cihnopna ahi hi.

Galati 3:19

Tua ahihleh Thukham bangin a kimang ding ahi hiam? Khialhna cih bang ahi hiam, cih a kitheih nadingin thuciamna banah hong kipiathuah hi a, thuciam a kipiakna, Abraham’ suan pa’ hun ciang dong bek a kimang dingin a kingaihsun ahi hi. Mihingte tungah Thukham hong kipiak lai-in vantungmi hong kisawlsawn a, mihing ahi Moses tungah hong kipiasawn hi.

Mattiu 11:28

“Na semin vangik pua-in a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi.

ROM (Romans) 7:14

Thukham pen i kha thu tawh kisai hi, ci-in i thei hi. Ahi zongin kei pen leitung pumpi tawh a nungta mi ka hi a, mawhna thu mangin a sal a suak ka hi hi.

2 KORIN NIHNA 11:20

Note, sila-in hong bawlin, note hong thangsiahin, na haina uh nuamtaksa-in hong hih thopthopin, note hong simmawh bawlin, na paang uh a hong bengbengte na sang uh hi.

Galati 4:2

A pa in ama gamhluah dingteng a piakma, a neulai hun sungteng, midang in tua naupang kemin a vai ding a hawmsak hi.

Galati 4:8

A beisa hunah Pasian thei lo na hih manun Pasian ahi lo vangliatna a neite’ sila-in na om uh hi.

Galati 4:24

Hihte pen gentehna lim ahi hi. Hih nupi nihte pen thuciamna nam nih a lahna ahi hi. Sila a suak tate a hingkhia nu Hagar hi a, Sinai Mual tunga kipia thuciamna a lahnopna ahi hi.

Hebru 5:12

Tu-in note pen midang a hilh dingin sia na suahtheih ding uh hun hikhin napi-in note mahmah pen Pasian’ thu a bulpite hilh ding na kisam lai uh hi. Antak nethei nai loin nawi bek a nethei lai na hi uh hi.