Galati 3:12 - Tedim Bible

¹² Lai Siangtho in, “Thukham’ deih bangin a gamta zote nungta ding hi,” na ci ahih manin Thukham zuihna le upna thu na kimemat kha lo hi.

Tedim Bible Revision 2017

¹² Lai Siangtho in, “Thukhamʼ deih bangin a gamta zote nungta ding hi,” na ci ahih manin Thukham zuihna le upna thu na kimemat kha lo hi.

Galati 3:12 Referans Kwoze

Siampi Laibu 18:5

Tua ahih ciangin note in ka thukhamte le ka biakna ngeina kipte na zui ding uh hi. Tuate a zui mi peuhpeuh nungta ding hi. Kei pen Topa ka hi hi.

Nehemiah 9:29

Tua hi a, na thukham lamah amaute hong kihei kikna ding limtakin na hilh a, ahi zongin amaute kihisakin na thupiaknate don lo uh hi. A zuite tungah nuntakna a pia thei ahi na ngeina kip tungah amaute khial uh hi. Lungkhauhin phengphi-in amaute kiheikhia uh a, thu mang nuam lo uh hi.

ROM (Romans) 4:14

Thukham zuihna hangin Pasian’ thuciamnate a kingah ding hileh mite’ upna pen a kimanna om loin, Pasian’ thuciamnate zong a mawkna suak ding hi.

ROM (Romans) 4:16

Tua ahih manin Abraham’ suanlekhakte khempeuh tungah Pasian’ hehpihna piakkhong a suahtheih nadingin Thukham a zuite bek in ngah loin, Abraham’ up bangin a umte in zong a ngahtheih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuh’ pupi ahi hi.

Ezekiel 20:11

a zui peuhpeuh a nuntak theih nading ka thukhamte le ka thupiaknate ka hilh hi.

ROM (Romans) 11:6

A teelna ah mite’ nasepna bulphuhin a teel hi loin ama dikna hangin a teel hizaw hi. Pasian in mihingte’ nasepna bulphuhin a teel hileh Pasian’ dikna pen dikna kici thei lo ding hi.

Mattiu 19:17

Jesuh in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lutnop leh thukhamte na zui in,” ci-in a dawng hi.

Ezekiel 20:13

Ahi zongin Israel mite in gamlak nangawnah kei hong dem uh a, a zui peuhpeuh in nuntakna a ngahna ding uh ahi keima thukhamte le ka thupiaknate a nial uh hi. Ka Sabbath-te zong nakpitakin siasak uh hi. Tua ahih manin amaute a maiman nadingin ka hehnateng gamlakah a thuaksakgawp dingin ka kithawi hi.

ROM (Romans) 7:10

Nuntak ngah nadingin a kibawl thukham pen keima a dingin sihna hong hi zawsop hi.