Galati 2:7 - Tedim Bible

⁷ Amaute in genthuah ding a neih gen loh, Jew mite tungah lungdamna thu hilh ding nasep, Pasian in Peter tungah a piak mah bangin, Gentail mite tungah lungdamna thu hilh nading nasep, Pasian in kei tungah a hong piakna thu a muzaw uh hi.

Tedim Bible Revision 2017

⁷ Amaute in gen thuah ding a neih gen loh, Jew mite tungah lungdamna thu hilh ding nasep, Pasian in Peter tungah a piak mah bangin, Gentail mite tungah lungdamna thu hilh nading nasep, Pasian in kei tungah a hong piakna thu a mu zaw uh hi.

Galati 2:7 Referans Kwoze

Sawltak 9:15

Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

1 TIMOTI MASA 2:7

Hih ka gen thu pen zuau ahi lo, thu taktak a gen ka hi a, Gentail mite lakah upna thu le hih thuman a gen dingin sawltak na semin thu a hilh dingin kei a hong kisawl ahi hi.

1 THESALONIKA MASA 2:4

Pasian in kote hong thei-in Lungdamna Thu a hilh dingin kilawm hong sa ahih mah bangin mite’ lungdam theih nadingin thu a hilh hi loin kote’ lungsim ngimna a hong thei Pasian’ lungkim nadingin thu a hilh ka hizaw uh hi.

2 TIMOTI NIHNA 1:11

Hih a thak Lungdamna Thu hilhin a taangko ding le sawltak na a sem dingin kei a hong kikoih ahi hi.

1 TIMOTI MASA 1:11

Thuman ka cih pen thupha tawh kidimin a minthang Pasian in ka hilh dingin kei tungah a hong piak Lungdamna Thu ahi hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

2 PETER NIHNA 3:15

I sanggam Paul in Pasian’ piak pilna zangin note kiangah lai a hong gelhnate sungah a gen mah bangin note khempeuh in hotkhiatna na ngahtheih nading uh hun hong piakna-in Topa hong zekai ahihna thu na phawk un.

1 KORIN MASA 9:17

Keima utthu tawh a sem hi leng sep thaman ka lamen ding hi. Ahi zongin Pasian in a sem dingin hong sawl ahih manin ka sep ding nasep a sem ka hi hi.

Sawltak 28:28

Tua ciangin Paul in, “Tua ahihleh tu-in Gentail mite tungah Pasian’ hotkhiatna thu kigen ta ding hi. Amaute in um ding uh hi. Hih thu hoihtakin thei un,” ci-in a thugenna a khum hi.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui bangte sinsanin, “Pasian tawh kikhenin siatna na tuah uhleh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

ROM (Romans) 11:13

Tu-in no Gentail mite tungah thu ka hong gennuam hi: No Gentail mite a dingin sawltak ka sep sungteng ka nasep a thupi mahmahin ka ngaihsun ding hi.

ROM (Romans) 1:5

Minam khempeuh in ama thu umin a zuihtheih nadingun Khrih hangin sawltak nasep sep theih nading hamphatna thu Pasian in Khrih’ na sep nadingin kote a hong pia hi.

Galati 1:6

A hong hehpihna tawh Khrih hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

Galati 1:18

Tuazawh kum thum khit ciangin Peter kiangah a hawh dingin Jerusalem khua-ah ka pai a, ama kiangah kha lang sung ka taam hi.

Galati 2:11

Antiok khua-ah Peter hong hawh sungin a gamtat khialhna hangin thu uppih mite lak mahah amah ka taii hi.

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuh’ zakin Peter kiangah, “Nang pen Jew mi hinapi-in Jew mi bangin gamta loin Gentail mite bangin a gamta khinsa na hi hi. Tua bangin a gamta khinsa hinapi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.