Galati 2:1 - Tedim Bible

¹ Tuazawh kum sawm le li khit ciangin Barnabas tawh Jerusalem khua-ah ka paikik a, Titus zong ka tonpih hi.

Tedim Bible Revision 2017

¹ Tua zawh kum sawm le kum li khit ciangin Barnabas tawh Jerusalem khua ah ka paikik a, Titus zong ka tonpih hi.

Galati 2:1 Referans Kwoze

Galati 2:3

Kei tawh a kithuah Titus nangawn Grik mi hinapi-in a vun ki-atsak tuan lo hi.

Titu 1:4

Thu upna-ah ka ta taktak ahi Titus tungah lai ka hong khak hi. Pa Pasian le eite hong Hon Khrih Jesuh in nangma tungah hehpihna le nopsakna thupha hong tungsak tahen.

Kolose 4:10

Kei tawh thong a kiakhawm Aristarkhas in note hong hopih hi. Barnabas’ sanggamnu’ tapa Marka in zong hong hopih hi (amah hong pai ciangin hoihtakin na pawlbawl un, ci-a hong kigen pa ahi hi).

Galati 2:13

Thu um Jew midangte zong hong meidawisuah a, amaute’ gamtatna hangin Barnabas nangawn meidawi-in amaute bangin hong gamta hi.

Galati 1:18

Tuazawh kum thum khit ciangin Peter kiangah a hawh dingin Jerusalem khua-ah ka pai a, ama kiangah kha lang sung ka taam hi.

2 KORIN NIHNA 8:23

Titus ahihleh note a’ ding ka nasepna-ah ka kikholhpih ka naseppih mi hi a, amah tawh hong kithuah ka sanggam tegel uh ahihleh pawlpite’ tang hi uh a, Khrih’ min a thangsakte ahi uh hi.

2 KORIN NIHNA 8:16

Kote’ hong kin zahin Titus in note hong kin nadingin Pasian in lungsim guan ahih manin Pasian tungah ka nuam mahmah uh hi.

1 KORIN MASA 9:6

Kei le Barnabas bek, nektawmzon tawh a thuah ding ka hi zenzen kei uh hi.

Sawltak 15:25

Tua ahih manin kote kikhawmin thu ka kikum uh a, mi pawlkhat teelin no kiangah kong paisak ding uh ka kithukim uh hi. Tua ka teel uh mite pen i Topa Jesuh Khrih nasepna-ah a nuntakna uh a pia ngam i sanggam it Paul le Barnabas tawh kong paisak uh hi.

Sawltak 14:12

Barnabas pen Zeus ci-in min phuah uh a, Paul pen a thugenpi pen ahih manin Hermes ci-in min a phuah uh hi.

Sawltak 13:50

Ahi zongin Jew mite in tua khuasung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a taikhia sak uh hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sapsa ahih manin kei a dingin Barnabas le Saul hong piakhia un,” a ci hi.

Sawltak 12:25

Barnabas le Saul in a nasep a man khit uh ciangin Jerusalem khua panin ciahkik uh a, Johan Marka zong a ciahpih uh hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

Sawltak 11:25

Tua ciangin Saul a zong dingin Barnabas pai a, Tarsas khua-ah a tung hi.

2 KORIN NIHNA 2:13

Ahi zongin tua lai-ah i sanggampa Titus na om lo ahih manin ka lungsim om thei nawn lo hi. Tua ahih manin tua lai-a om mite nusia-in Masedonia gamah ka paisuak hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.