Galati 1:8 - Tedim Bible

⁸ Note tungah ka hong hilhsa uh lungdamna thu tawh a kilehngatin, kote a kipan vantungmi dongin thudang a hong hilh a om leh tua a hong hilh mipa hell khuk sungah tung ta hen!

Tedim Bible Revision 2017

⁸ Note tungah ka hong hilh sa uh lungdamna thu tawh a kilehngatin, kote a kipan vantungmi dongin thudang a hong hilh a om leh tua a hong hilh mipa hell khuk sungah tung tahen!

Galati 1:8 Referans Kwoze

Galati 1:9

Ka hong gen ngeisa mah bangin ka hong gen kikin-ah: Note’ sansa lungdamna thu tawh a kilehngatin thudang a hong hilh mi peuhpeuh hell khuksung tung ta hen!

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

ROM (Romans) 9:3

Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasian’ samsiat mite ahi uh hi.

Sawltak 23:14

Siampi liante le upate kiangah pai uh a, “Paul ka thahkhit mateng uh anletui ka nekloh nadingun khauhtakin thuciamna khat ka nei khin uh hi.

Titu 3:10

Kitot, kikhen nading a piangsak mite pen khatvei nihvei bang na hilh khit ciangin kisukha nawn vet kei in.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

1 KORIN MASA 12:3

Tua ahih manin Kha Siangtho in lam a lah mite in, “Jesuh in samsiatna ngah ta hen,” a cih lohna, le Kha Siangtho in lamlak kei leh kuamah in, “Jesuh pen Topa hi,” a cih theih loh nading thu na theih ding uh ahi hi.

Marka 14:71

Tua ciangin Peter in, “Na gen mipa uh ka theih taak leh Pasian in kei hong dawm kei ta hen,” ci-in a kiciam hi.

Galati 3:10

Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zuikhin tawntung lote in Pasian’ samsiatna thuak hi,” ci ahih manin Thukham a suangte pen samsiatna a ngah mite ahi uh hi.

Nehemiah 13:25

Amaute taigawpin ka samsia a, pawlkhat satin a sam uh ka bawhsak gawp hi. Tua ciangin Pasian’ min tawh amaute ka kiciamsak a, “Note in amau’ tapate’ zi dingin na tanute uh na pia kei ding uh a, na tapate uh zi ding ahi a, nomau’ zi dingin ahi zongin amaute’ tanu na la kei ding uh hi.

1 SAMUEL MASA 26:19

Tua ahih ciangin tu-in ka to kumpipa in a nasempa’ thu za in. Keimah a do dingin nang hong toksuah pa pen Topa ahihleh amah in biakna hong sang ta hen; ahih hangin mihing ahihleh amaute in Topa’ mai-ah samsiatna ngah tahen. Bang hang hiam cih leh amaute in, ‘Pai in; pasian dangte’ na sem in,’ ci-in Topa’ gamh ka ngah loh nadingin tuni-in kei hong hawlkhia uh hi.

Joshua 9:23

Tu-in note hong kisamsia a, note pawlkhat a tawntungin sila, ka Pasian uh inn-a dingin sing suite le tui tawite na hi ding uh hi,” a ci hi.

Piancilna 9:25

amah in, “Kanaan in samsiatna ngah ta hen la, a sanggamte’ sila hi tahen.

1 KUMPI MASATE 13:18

Tua ciangin amah in, “Kei zong nangmah bangin kamsang khat ka hi a, Topa’ sawlna bangin vantungmi khat in kei tungah thu hong gen a, ‘Amah in anletui ne-in a dawn theih nadingin na inn-ah amah paipih kik in,’ hong ci hi,” a ci hi. Ahih hangin amah in Pasian’ mipa tungah zuau genin a phuahtawm ahi hi.

Jeremiah 23:16

Vanglian Topa in, “Note kiangah thu hong hilh a, a hong lamen khialsak kamsangte’ thugennate na ngai kei un. Amaute in a lungsim uhah a geeltawm uh thu hong gen uh hi a, keima kiang pana hong pai thu ahi kei hi.

Jeremiah 23:36

‘Topa’ thugen pen vangik khat ahi hi,’ ci-in na gen nawn kei ding uh hi. Bang hang hiam cih leh note’ thugente, note’ vangik ahi zaw hi. Note in eite’ Pasian ahi a nungta Pasian, Vanglian Topa’ thugennate na lumletgawp uh hi.

ROM (Romans) 16:17

Lawmte aw, note’ theihsa thute gensia langpangin, mite’ upna nawngkaisakin pawl a kikhensak mite kidawm un. Tua bang mite tawh kikhawl vet kei un.