Galati 1:7 - Tedim Bible

⁷ A taktakin ci lehang lungdamna thu adang a om hi lo a, mi pawlkhatte in note’ lungsim hong toknawi-in, Khrih hanga lungdamna thu hei-in thudang tawh laihnuam uh ahih manin, tua amau’ deih thu pen lungdamna thu a cihsak mawkmawk ka hi hi.

Tedim Bible Revision 2017

⁷ A taktakin ci lehang lungdamna thu a dang a om hi lo a, mi pawl khatte in noteʼ lungsim hong toknawi-in, Khris hanga lungdamna thu hei-in thudang tawh laih nuam uh ahih manin, tua amauʼ deih thu pen lungdamna thu a cihsak mawkmawk ka hi hi.

Galati 1:7 Referans Kwoze

Sawltak 15:24

Kote’ hong sawl lohpi-in ko kiang panin mi pawlkhat hong pai-in a thugenna uh tawh note hong buaisakin hong lung-amsak hi, ci-in ka za uh hi.

Galati 5:10

Eite, Topa tawh a kipawl khawmte ihih manin kei tawh a kilamdangin note in bangmah ngaihsut tuam nei het lo ding, ci-in ka hong muang a, a kua a kua hitaleh note hong nawngkaisakte pen Pasian in gim pia ding hi, ci-in ka um hi.

2 KORIN NIHNA 11:13

Amaute pen sawltak taktak hi loin, sawltak a kineihkhemte hi uh a, a nasepna uhah zong zuau-in, Khrih’ sawltak taktak a battheih nadingun a mel kiseel ahi uh hi.

Galati 5:12

No hong lungkhamsak mite in a maban uh nawtsuak uh hen la, a ut leh a pasal nateng nangawn uh atkhia mangkhin vet uh hen!

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.

Mangmuhna 20:3

Tua ciangin kuahawm thukpi sungah khiasuk a, kum tulkhat a cin mateng minam tuamtuamte a khemtheih nawn loh nadingin a tawh kalhin a ciamteh hi. Kum tulkhat a cinkhit ciangin tawlkhat sung a kikhah ding ahi hi.

2 JOHAN NIHNA 1:10

Tua ahih manin Khrih’ hilh ahi hih thute a hilh lo midang khatpeuh note kiangah a hong pai leh na inn uhah zong na tungsak kei unla, zong na hopih kei un.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

Mangmuhna 13:14

Ganhing masa omna-ah nalamdang bawltheih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liamsa hinapi a nungta lai ganhing pahtawi nading milim khat a bawl nadingun a gen hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei-pasal paktatna gamta-in milim biakna ante a ne uh hi.

Mangmuhna 2:6

Ahi zongin note ka hong pahtakna khat om a, tua in: Keima muhdah mah bangin Nikolas pawlte na mudah uh hi.

Mangmuhna 2:2

“Note’ nasepna, na gimna uh le lungduai takin na thuakna uh, le migilote koihmawk loin, sawltak hi lo napi-in sawltak hi ung, a ci mite dongtelin sawltak ahihlohna uh na muhkhiatnate uh ka thei hi.

Juda 1:4

Bang hang hiam cih leh Pasian’ thu a ngaihsun lo mi pawlkhat, eite lakah kuama phawk lohin hong lutsim uh a, amaute’ mawh gamtat ngamnate a seelna-un Pasian’ hehpihna thupha a lehlamin hei-in, eite in khat bek i neih i Mangpa le i Topa ahi Jesuh Khrih a nial uh hi. Hih bang mite’ gimthuak ding thu tanglai pekin Lai Siangtho in a gensa thu ahi hi.

2 JOHAN NIHNA 1:7

Bang hang hiam cih leh leitungah midangte a khem tampi hong omta a, tua mite in Jesuh Khrih, mihing banga hong paina thu a nial uh hi. Tua bang mite pen mi khemte hi a, Khrih’ Gal ahi uh hi.

1 JOHAN MASA 2:26

Note khempeuh a hong sawm mite’ thu tu-a zah tawh khin phot ni.

2 TIMOTI NIHNA 2:18

Thuman lampi panin amaute pialkhin uh a, thawhkikna thu pen a beisa thu hi ta hi, ci-in thu um mi pawlkhat lungmangsak uh hi.

Galati 6:17

A tawpna-ah ka gennop thu in: Ka pum tunga om meimapawn pen Khrih sila ka hihna lim ahih manin kuamah in kei hong nawngkaisak nawn kei tahen.

Galati 4:17

Tua mi pawlkhatte in note hong engin hong kin mahmah uh hi; ahi zongin amaute’ ngimna a hoih hi khol lo hi. Amaute’ hong kin bangin note in zong amaute kinin na kipawl theih nadingun kei kiang panin note a hong khenkhia nuam ahi lel uh hi.

Galati 2:4

Ahi zongin mi pawlkhat in atsak nuam sam uh hi. Khrih Jesuh tawh ka kipawlna hangun suahtakna ka ngahna thu uh a kansim dingin amaute thu um mi kineihkhemin kote lakah hong kihel uh hi. Amaute in kote pen sila hong suaksak nuam uh ahi hi.

2 KORIN NIHNA 4:2

Ka thuhilhna uhah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang hetkei uh hi. Pasian muhna-ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

Sawltak 20:30

Note sung mahmah panin zong mi pawlkhat in thu um mite khemin a zolkhiat hun hong tung ding hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Jeremiah 23:26

Zuauthu tawh thu hilh a, a phuahtawm uh thu a hilh kamsangte’ lungsim sungah zuauthu bang tanvei tenglai ding ahi hiam?

Jeremiah 23:36

‘Topa’ thugen pen vangik khat ahi hi,’ ci-in na gen nawn kei ding uh hi. Bang hang hiam cih leh note’ thugente, note’ vangik ahi zaw hi. Note in eite’ Pasian ahi a nungta Pasian, Vanglian Topa’ thugennate na lumletgawp uh hi.

Galati 1:6

A hong hehpihna tawh Khrih hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.