Galati 1:6 - Tedim Bible

⁶ A hong hehpihna tawh Khrih hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

Tedim Bible Revision 2017

⁶ A hong hehpihna tawh Khris hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

Galati 1:6 Referans Kwoze

2 KORIN NIHNA 11:4

Bang hang hiam cih leh kote’ hilh a hi lo adang Jesuh’ thu a hilh hong pai ciangin lungdam takin na sang pahpah uh a, kote’ hong hilh Kha Siangtho le lungdamna thu tawh a kibang lo kha thu le lungdamna thu hong hilh a om ciangin na sang pahpah uh hi.

Isaiah 29:13

Tua ciangin Topa in, “Amaute’ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi.

Late 106:13

Ahih hangin amaute in ama nasepte mangngilh pah uh a, ama thugen ding ngak loin a gamta pah uh hi.

1 TIMOTI MASA 1:3

Masedonia gam lam manawhin ka pai lai-in Efesa khua-ah na om ding ka hong sawl mah bangin tu-in zong tua khua mahah na omlai inla, thu upna man lo a hilh mite, a thuhilh a khawl nadingun thu na pia in.

1 KORIN MASA 4:15

Khrih thu hong hilh ding mi a tul a za-in na nei uh ahi zongin pa-a na neih ding uh kei bek a om ka hihna thu na phawk un. Bang hang hiam cih leh note kiangah lungdamna thu ka hong hilhna hangin Jesuh Khrih sungah nomau’ pa ka suak hi.

Sawltak 15:11

Tua bangin i gamta het kei ding hi. Amaute mah bangin eite in zong i up manin Topa Jesuh hehpihna tawh hotkhiatna i ngah hi,” ci-in thu a gen hi.

Galati 5:4

Thukham zuihna hangin Pasian tawh kipawl theih nading a hanciamte pen Khrih tawh a kikhen na hi uh a, Pasian’ hehpihna in note hong huam thei lo hi.

ROM (Romans) 10:3

Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi.

1 TIMOTI MASA 1:14

Pasian in genzawh lohin kei hong hehpih a, Khrih Jesuh tawh kipawlna hangin i ngahtheih upna le itna a hong guan hi.

Mangmuhna 22:21

Topa Jesuh hong hehpihna thupha, note khempeuh tungah hong om tahen. Amen.

2 TIMOTI NIHNA 2:1

Ka ta aw, nang na hih leh Khrih Jesuh tawh i kipawl manin i ngah hehpihna hangin thahatin om in.

2 TIMOTI NIHNA 1:9

Eite’ sepzawhna hang hi loin ama ngimnasa bang leh a dikna hangin Pasian in eite hong honkhia-in ama mi dingin a hong sam hi. Pasian in leitung a pianma pekin Khrih Jesuh tungtawnin tua dikna a hong piak hi a,

2 THESALONIKA NIHNA 2:14

Topa Jesuh Khrih tawh minthanna na ngahkhawm theih nadingun note tungah ka hong hilh uh Lungdamna Thu tawh hih nopsakna ah Pasian in note a hong sam ahi hi.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

Johan 9:30

Tua ciangin mittaw ngei pa in, “Amah in kei khua hong musak thei napi, amah koi pana hong piang ahi hiam cih na theih loh uh lamdang mahmah hi.

2 PETER NIHNA 1:3

Ama minthanna le a hoihnate a neikhawm dingin a hong sampa i theihna hangin Pasian’ deih bangin biakna mantak i nuntak theih nadingin ama vangliatna in eite’ kisap na khempeuh a hong pia hi.

1 PETER MASA 1:15

Note a hong sampa a siangtho ahih mah bangin note zong na gamtatna khempeuh uhah na siangtho un.

Marka 6:6

Amaute in amah a uploh manin lamdang a sa mahmah hi. Tua ciangin tua kiima om khuaneute-ah thuhilhin a pai kawikawi hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

ROM (Romans) 8:30

Tua ahih manin ama sap mite a sehsa hi a, a sap mite amah tawh a kipawlin bawl a, amah tawh a kipawlin a bawl mite ama minthanna zong a hawm hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.

Galati 1:7

A taktakin ci lehang lungdamna thu adang a om hi lo a, mi pawlkhatte in note’ lungsim hong toknawi-in, Khrih hanga lungdamna thu hei-in thudang tawh laihnuam uh ahih manin, tua amau’ deih thu pen lungdamna thu a cihsak mawkmawk ka hi hi.

Galati 1:11

Sanggamte aw, keima hilh lungdamna thu pen mihingte tung panin a hong kipan ahihlohna thu na theih ding uh ka deih hi.

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,

Galati 2:2

Pasian’ hong sawlna tawh tua lai-ah a pai ka hi hi. Ka nasepnate a mawkna a suahkhak ding ut lo ka hih manin makai lian a kineite tawh a tuamin kimuhna khat ka nei a, Gentail mite lakah ka hilh lungdamna thute amaute kiangah gentelna khat ka nei hi.

Galati 2:5

Lungdamna thuman taktak pelem hetloin note a dingin a kipsuak theih nadingin amaute’ deihna themkhat zong ka zui het kei uh hi.

Galati 2:7

Amaute in genthuah ding a neih gen loh, Jew mite tungah lungdamna thu hilh ding nasep, Pasian in Peter tungah a piak mah bangin, Gentail mite tungah lungdamna thu hilh nading nasep, Pasian in kei tungah a hong piakna thu a muzaw uh hi.

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuh’ zakin Peter kiangah, “Nang pen Jew mi hinapi-in Jew mi bangin gamta loin Gentail mite bangin a gamta khinsa na hi hi. Tua bangin a gamta khinsa hinapi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

Galati 5:14

Bang hang hiam cih leh Thukham khempeuh thu khatin kigawm thei a, “Nangmah na ki-it bangin na vengte na it in,” cihna tawh kitomlak thei hi.