Galati 1:1 - Tedim Bible

¹ Mihingte’ hong sehna le hong sawlna tawh sawltak na a sem hi loin, Jesuh Khrih le sihna panin tua Jesuh a thosakkik Pasian’ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

Tedim Bible Revision 2017

¹ Mihingteʼ hong sehna le hong sawlna tawh sawltak na a sem hi loin, Jesu Khris le sihna panin tua Jesu a thosakkik Pasianʼ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

Galati 1:1 Referans Kwoze

1 KORIN MASA 1:1

Khrih Jesuh’ sawltak dingin Pasian in a hong teel keimah Paul le thu upna sungah i sanggam Sosthenes in,

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

ROM (Romans) 1:1

Pasian kiang panin a hong pai Lungdamna Thu a hilh dingin Pasian’ teelna tawh sawltak ahi, Jesuh Khrih’ sila keimah Paul in lai ka hong khak hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

2 KORIN NIHNA 1:1

Jesuh Khrih’ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua-ah a om Pasian’ pawlpi mite le Akhaia gam sungah a om Pasian’ mite khempeuh tungah lai ka hong khak uh hi.

2 TIMOTI NIHNA 1:1

Khrih Jesuh tawh i kipawlna hangin hong kipia ding nuntakna thu a gen dingin Pasian’ deihna tawh Khrih Jesuh’ sawltak nasep a sem dingin a hong kisawl keimah Paul in

ROM (Romans) 10:9

Jesuh pen Topa hi, ci-in mite kiangah genin, Pasian in sihna panin amah hingkiksak zo hi, ci-in na lungsim sung uhah na up taktak uhleh hotkhiatna na ngah ding uh hi.

Sawltak 22:10

Tua ciangin kei zong, ‘Topa aw, bangci gamtat ding ka hi hiam?’ ci-in ka dot ciangin amah in, ‘Tho inla, Damaskas khua-ah pai in. Nang’ hih dingin Pasian in a sehsa thu khempeuh, tua khua panin hong kigen ding hi,’ a hong ci hi.

Sawltak 9:6

Ahi zongin tho-in khuapi sungah lut in; tua lai panin na gamtatna dingteng hong kigen ding hi,” a ci hi.

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik pa’ thugen in:

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

Galati 1:17

keima hun ma-in sawltak na a sem khinsa mite tawh a kimu dingin zong Jerusalem khua-ah ka pai tuan kei hi. Arabia gamah ka paizaw a, tua lai panin Damaskas khua-ah ka kileh hi.

ROM (Romans) 14:9

Hih thu hangin Khrih pen a site le a hingte’ Topa ahih theih nadingin hong si-in hong nungtakik hi.

Johan 20:21

Tua ciangin Jesuh in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Johan 10:30

Kei le ka Pa pumkhat ka hi uh hi,” ci-in a dawng hi.

Johan 5:19

Tua ahih manin Jesuh in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muhteng bek a sem ahi hi. Tua hi a, a Pa in a septeng mah a Tapa in zong a sem ahi hi.

Sawltak 3:15

Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,

Joshua 22:15

Tua ciangin Gilead gam sunga om Reuben mite, Gad mite, le Manasseh minam alangte kiangah va pai-in amaute kiangah,