Filippi 4:8 - Tedim Bible

⁸ Sanggamte aw, a tawpna-ah ka hong gennop thu in, a hoih le a phattaak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai, le a pahtakhuai thute ahi hi.

Tedim Bible Revision 2017

⁸ Sanggamte aw, a tawpna ah ka hong gen nop thu in, a hoih le a phat taak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai le a pahtakhuai thute ahi hi.

Filippi 4:8 Referans Kwoze

Jeim 3:17

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

Titu 2:7

Nangma pumpi mahmah gamtat hoihna a kipan thu khempeuhah etteh hoih dingin na om in. Lungsim takpi tawh mite’ zahtaktheih dingin thu na hilh inla,

2 KORIN NIHNA 8:21

Bang hang hiam cih leh Topa’ hoihsak ding bek hi loin mite in zong hoih a sak ding bangin na a semnuam ka hi uh hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

1 PETER MASA 2:12

Gentail mite in note mi hoih lo hi, ci-in hong gensia nuamin mawhna hong zon ciangin, note’ hoihna bekbek mu-in, Pasian a hong pai Ni ciangin a phattheih nadingun amaute lakah na gamtatna uh hoihsak tawntung un.

Hebru 13:18

Kote a dingin thu hong ngetsak niloh un. A tawntungin na a manin sepnopna lungsim nei ka hih manun ka lungsim uhah kisuanna om loin siang mahmah hi.

1 TIMOTI MASA 4:12

Khangno lai na hihna thu hangin mite’ simmawh dingin na om kei inla, kampauna, gamtatna, itna, upna, le sianthona-ah thu um mite’ etteh dingin na om in.

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.

Titu 1:8

zinleleeng do a siam mi, thuhoih a deih mi, a pumpi a ki-ukzo mi, a thutang mi, a siangtho mi, le a kisekzo mi hi ding uh hi.

1 JOHAN MASA 3:3

Khrih a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.

Titu 3:14

I mite ommawk loin, thu kisam a phamawhte huh thei-in, na hoih na phate a septheih nadingun na hilh in.

ROM (Romans) 13:13

Sun khuavak sunga om mite bangin a kilawmin gamta ni. Gualnopna le zukhamna, mawhna le thangtatna, kitotna le kihazatnate-in i hun beisak kei ni.

Paunak 20:7

Mi khat thumanin a hoihin a nuntak leh ama suanlekhakte mi hampha ahi uh hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

Titu 2:2

Pasal khanghamte a kilawm a kituakin a omtheih nading, thu ngaihsun thei mi ahih nading, a kikemzo mite ahih theih nading, upna man a neihtheih nading, itna man a neihtheih nading uh le a manin lungkipin a thuakzawh nadingun na gen in.

2 KORIN NIHNA 13:7

Kote in ka nasepna uh a tangtun zo lo tawh ka kibangkha uh ahi zongin, kote’ nasepna a tangtun ding deih hi lo zaw-in, note gamta khialkha loin a manin na gamtat nading uh ka deihna uh tawh thu ka hong ngetsakzaw uh hi.

Kolose 4:5

A pualam mite tungah a kilawm a kituakin gamta unla, hunhoih na ngah khempeuh uh na valkhongsak ngei kei un.

1 PETER MASA 4:8

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

ROM (Romans) 13:3

Bang hang hiam cih leh gam uk mite pen a gamtat hoih mite’ kihtak ding hi lo a, mi tatsiate’ kihtak ding hi bek hi. Ukna thu a neite kihta loin na omnop uhleh a hoihin gamta un. Tua hileh amaute in note hong pakta-in hong phat ding uh hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Filippi 3:1

A tawpna-ah, sanggamte aw, Topa in note tungah lungdamna hong tungsak tahen. Ka hong gelhsa thute ka hong gelhkik ding cimtakhuai ka sa kei a, note a dingin lungmuanhuai zaw lai hi.

ROM (Romans) 2:29

Jew mi taktak i cihte pen, a sunglamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

Isaiah 26:7

Midik pa’ lampi tamkim a, nangmah in midik pa’ lampi na neelsak hi.

Paunak 31:31

A sepna khempeuh hangin amah phat un. Mi khempeuh in a zahtak dingin a kilawm ahi hi.

1 TIMOTI MASA 2:2

Eite nuamtakin omthei-in, biakna lungsim nei-in a kilawm takin i nuntak theih nadingin kumpite le uliante a dingin thu na ngetsak un.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuahsate, a inn-ah zin le leengla do a siam mite, kiniamkhiatin Pasian’ mite’ khe a silsakte, a lungkham mite a huhte, le thu khempeuhah a hoih gamtat mite hi lai ding uh hi.

Thu-hilhkikna 16:20

Note nungta-in Topa na Pasian un hong piak leitang na luah theih nadingun a thuman bekbekin na gamta ding uh hi.

Efesa 6:14

Tua ahih ciangin kawnggak gak bangin thutak zang unla, awmdal bulh bangin thuman zang unla,

1 THESALONIKA MASA 4:12

Tua bangin gamta le-uhcin thu um lo mite in note hong zahtak ding uh a, mite’ neihsa na duhgawh kei ding uh hi.

Efesa 4:25

Tua ahih manin zuau gen nawn kei unla, Khrih pumpi nate ihihna hangin pawlkhat ihih manin khatlekhat tungah thuman kigen ni.

2 KORIN NIHNA 6:8

Kote hong kipahtawi-in hong kimindaisak zel a, hong kisimmawh bawlin zong hong kiphat zel hi. Thuman gen hinapi-in zuaugen bangin hong kingaihsun a,

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zaktheih nadingin a inn-ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Marka 6:20

Bang hang hiam cih leh Johan pen a thuman mihoih khat hi, ci-in Herod in ngaihsun ahih manin amah zahtakin siatna a thuak nading panin hu hi. Ama thugente in a lungsim nuam losak hi; ahi zongin a thugen zanuam veve hi.

Paunak 11:1

Tawikhaina man lo a zangte Topa in mudah a, tawikhaina man a zangte tungah Topa lungkim hi.

Ruth 3:11

Tu-in ka tanu aw, lau kei in; na nget khempeuh nang a dingin kong hihsak ding hi. Bang hang hiam cih leh ka khuapih mite khempeuh in numei gina na hihlam hong thei uh hi.

Luka 16:15

Jesuh in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsimtawng uh a hong thei hi. Bang hang hiam cih leh mihingte in a manpha mahmahin a ngaihsutte pen Pasian in bangmahin sim lo hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Sawltak 22:12

“Tua khua-ah Ananias min nei, Thukham limtakin zui-in biakna hahkat mahmah, Damaskas khua-a om Jew mite in a zahtak mahmah mi khat a na om hi.

Solomon la 5:16

A kampaute khum zungzung a, a vekin, deih loh ding khat zong om lo hi. Ka ngaihno, hih bang teng hi, Jerusalem nungakte aw.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tunsak theih nadingin ama khita a tate le a innkuanpihte in thuman le thutangin nasepna tawh Topa’ thupiakte a zuih theih nadingun a hilh dingin amah ka teel khin hi,” a ci hi.

1 JOHAN MASA 4:1

Ka it lawmte aw, kha ka nei a ci mi khempeuh’ thugen um kei unla, tua thute Pasian kiang pan mah ahi hiam, ci-in kantel un. Bang hang hiam cih leh leitungah kamsang a kineihkhem tampi hong om khinta hi.

1 TIMOTI MASA 5:2

Nang sangin a uzaw numeite na nu bangin bawl inla, nang sangin a nauzaw numeite, lungsim siangtho tak tawh na nau numei bangin bawl in.

Luka 23:50

Tua laitakin Josef a kici mi khat om a, Judea gam sunga om Arimathea khuami ahi hi. Amah pen mihoih, a zahtakhuai mi khat hi a, Pasian’ Uk ding hun lamenin a ngakngak mi khat ahi hi. Amah pen ulian thuvaihawm sunga kihel hi a, ahi zongin a lawmte’ vaihawmna leh a nasepnate uh thukimpih lo hi.

Paunak 31:29

“Zi hoih tampi a om tei hangin nang kan-a hoih kuamah om kei,” ci-in a phat hi.

Paunak 16:11

A man tawikhaina le tawi tehnate Topa a’ hi a, a tawisuang khempeuh ama bawlsa ahi hi.

Paunak 12:4

Zi hoih pen a pasal’ minthanna le lungdamna hi a, a pasal a maizumsak zi pen a pasal a dingin a dam thei lo guhnatna tawh kibang hi.

1 TIMOTI MASA 3:4

A innkuan sung hoihtakin a ukzo mi, a tate thumangsak thei-in, na khempeuhah a kilawm a kituakin a gamtasak thei mi hi ding uh hi.

Sawltak 6:3

Tua ahih ciangin sanggamte aw, note lak panin pilna le Kha Siangtho a nei mihing sagih hong kitengkhia unla, hih thute a vaihawm dingin i koih ding hi.

Mattiu 22:16

Amau’ nungzuite le Herod mi pawlkhat, Jesuh kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtaktuam nei lo na hih manin midangte’ pau ding bangmah phamawhsa loin Pasian in mite’ gamtat ding a deihna bangin tangtakin thu na hilh tawntung hi.

Paunak 31:10

Zi hoih pen suangmanpha sangin manphazaw pek a, ahi zongin zi hoih ngah ding haksa mahmah hi.

Hebru 11:2

Tanglai mite in upna a na neih manun Pasian in a na pakta hi.

1 TIMOTI MASA 3:11

A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuhah a thuman mi hi ding uh hi.

2 KORIN NIHNA 8:18

Lungdamna thuhilh nasepna-ah pawlpi khempeuh in a zahtak mahmah, thu upna sungah ka sanggampa uh tawh zong ka hong kithuahsak uh hi.

2 SAMUEL NIHNA 1:23

“Saul le Jonathan, ki-it uh a, it-huai uh! A sih a hinin amaute kikhen lo a, muvanlai sangin zaptel zaw uh a, humpinelkai sangin thahat zaw uh hi.

2 PETER NIHNA 3:1

Ka itte aw, hih ka hong laigelh a nihveina hi a, lungsim siangtak tawh thu na ngaihsut phatkik theih nadingun a nihvei mahin ka hong phawksakkik hi.

Late 82:2

“Note in bang tanvei a man loin thu khenin, migilote tungah angvanna zang ding na hi uh hiam?

ROM (Romans) 14:18

Hih bang danin Khrih’ na a sem mite in Pasian lungdamsak a, mite zong a lungkimsak uh hi.