Filippi 4:6 - Tedim Bible

⁶ Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

Tedim Bible Revision 2017

⁶ Thu khat peuhpeuh ah lunghimawh lua kei unla, na kisap bangbang uh, lungdamna tawh Pasian kiangah na ngen un.

Filippi 4:6 Referans Kwoze

1 PETER MASA 5:7

Pasian in note hong kem ahih manin na lungkhamnate khempeuh uh ama kiang tunpih un.

Late 55:22

Topa tungah na vangik nga in, amah in hong huh ding hi. Amah in mi thumante kilingsak ngei lo ding hi.

Mattiu 6:8

Tua na thunget ma nangawnun na Pa un note’ kisapna teng hong theikhin ahih manin Gentail mite na bang kei un.

Jeremiah 33:3

Kei nong sap leh kong dawngkik ding a, na theih ngei nai loh a ki-imcip thu lianpite kong gen ding hi.

Paunak 16:3

Na geelnate khempeuh Topa ap in; tua hileh na geelna bangin tangtung ding hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eite’ bukna ahi hi.

Kolose 4:2

Lungsim takpi tawh thu ngen tawntung unla, kidawm kawmin lungdamna tawh thu ngen un.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

Kolose 3:17

Na kampauna, na gamtatnate khempeuh uhah, Topa Jesuh hangin Pa Pasian tungah lungdam kohna-in Jesuh min paulamin na hih ding uh hi.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesuh in a nungzuite kiangah thugentehna khat gen a,

Luka 12:22

Tua ciangin Jesuh in a nungzuite kiangah, “Tua ahih ciangin note kiangah kong genin-ah: I nuntak nadingin bang ne ding a, i pumpi tungah bang silh ding ihi hiam, ci-in lunghimawh kei un.

Late 51:15

Topa aw, ka pau theih nadingin kei hong huh in; nangmah ka hong phat ding hi.

Kolose 3:15

Note pumkhat suakin a lungdam khawm dingin Pasian in a hong sap ahih mah bangin Khrih hong piak nopsakna in note’ lungsim hong uk ta hen la, lungdamin om ta un.

1 SAMUEL MASA 30:6

David nakpitakin lungkham hi. Bang hang hiam cih leh mi khempeuh a tanu a tapate uh hangin lungsimsia uh ahih manin amaute in suang tawh amah den ding gen uh hi. Ahih hangin Topa a Pasian in David thakhauhsak hi.

Efesa 5:20

I Topa Jesuh Khrih hangin thu khempeuhah Pa Pasian tungah lungdamna ko ta un.

Late 55:17

Nitak, zingsang, le sunin ka gimna leh ka thumnate ama tungah ka gen a, amah in keima thumna aw, hong za ding hi.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Mattiu 10:19

Tua bangin thusitna a thuak dingin hong kipaipih ciangin, bang gen ding ihi hiam, ci-in lunghimawh kei un. A hun a tun ciangin na gen ding teng uh hong kihilh ding hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Luka 12:29

Tua ahih manin bang ne ding, bang dawn ding, ci-in lunghimawhin om tawntung kei un.

1 SAMUEL MASA 1:15

Ahih hangin Hannah in dawngin, “Hilo hi, ka topa aw; kei pen nakpitakin a lungkham numei ka hi hi. Leenggahzu ahi a, khamtheihzu ahi zongin ka ne kei a, Topa’ mai-ah ka lungsim a sungkhia ka hi hi.

2 KORIN NIHNA 1:11

Kote a dingin thu hong ngetsak un. Tua hileh mi tampi in kote a dingin thu a hong ngetsaknate uh Pasian in a hong piakna hangin mi tampi mah in kote’ tang dingin Pasian tungah lungdamna ko thei ding uh hi.

1 KORIN MASA 7:32

Note, lunghihmawhna tawh na kipelh ding uh ka hong deihsak hi. Zi a nei lote in Topa a lungdamsak theih nadingun Topa’ thu bek kinin nei uh hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Daniel 3:16

Shadrak, Meshak, le Abednego-te in Kumpi Nebukhadnezzar kiangah, “Kumpipa aw, hih thu kong dawng kei ding uh hi.

2 KHANG TANGTHU NIHNATE 32:20

Tua ciangin kumpipa Hezekiah le Amoz’ tapa, kamsang Isaiah in hih thu hangin thu ngenin vantung lamah kiko uh hi.

1 SAMUEL MASA 7:12

Tua ciangin Samuel in suangtum khat la-in Mizpah le Jeshanah kikalah phut a, a min Ebenezer a phuak hi; bang hang hiam cih leh amah in, “Hih pen Topa in eite hong huhna teci ahi hi,” a ci hi.

Solomon la 2:14

Suangheeng kawma vasa bangin nang na bu niloh hi. A ngaihbaang na mai hong musak inla, a lungzuanhuai na awging hong zasak in.

1 KORIN MASA 7:21

Sila ahi mi khat Pasian in a sap leh phamawh lo hi; sila mahin ki-om thei veve hi. Ahi zongin suahtak theih nading lampi a om leh tua hunhoih hamphatna zang tahen.

1 KUMPI MASATE 8:28

Ahi zongin na nasempa’ thungetna le a hong thumna hong don in la, Topa ka Pasian aw, tuni-in nangma mai-ah na nasempa in a hong ngetna, a kikona le a thungetna hong ngai in.

Jeremiah 32:16

“Neriah’ tapa Baruk kiangah kileina lai ka piak khit ciangin Topa’ kiangah thu ka ngen a,

Daniel 6:10

Tua bang thupiakna lai kihawmkhia khinzo ta hi, ci-in Daniel in a theih ciangin a inn-ah a ciah hi. A inn dawl tungnungah Jerusalem lam a nga tawlet thum a om hi. Tua laitakah tawlet honsa-in a hih ngei bangin khukdinin ni khatin thumvei ta Pasian kiangah thu a ngen hi.

Mattiu 6:34

“Tua ahih manin zing ciang huna ding ma lungkham masa kei un. Zing ciang thu ding ama thu-in omsak lel un. Tuni thu pen tuni thu mah tawh beisak unla, lungkham ding behlap se kei un.

1 TIMOTI MASA 2:1

A masa penin kong gennop thu in: Mi khempeuh a dingin Pasian tungah ngetna, thungetna, thumna le lungdamkohna na neih ding uh ahi hi.

1 TIMOTI MASA 5:5

A kem a khoi ding a om lo meigong taktak ahi numeite in Pasian bek mah muan le suanin nei-in, a sun a zanin Pasian’ huh ding deihin thu ngen tawntung uh hi.