Filippi 4:15 - Tedim Bible

¹⁵ Na theihsa uh mah bangin Lungdamna Thu ka hilh cil lai-in note’ gam Masedonia panin ka paikhiat hunin no Filippi pawlpite bek mah in kei na hong huh uh a, ka ngahna le ka piakkhiatnate, note bek mah in a hong theihpih na hi uh hi.

Tedim Bible Revision 2017

¹⁵ Na theih sa uh mah bangin Lungdamna Thu ka hilh cil lai-in noteʼ gam Masedonia panin ka paikhiat hunin no Filippi pawlpite bek mah in kei na hong huh uh a, ka ngahna le ka piakkhiatnate, note bek mah in a hong theih pih na hi uh hi.

Filippi 4:15 Referans Kwoze

Sawltak 16:40

Paul le Silas zong thong panin paikhia-in Lydia’ inn a zuan uh hi. Tua lai-ah thu um mite tawh kikhawm uh a, hanthotna kam a genkhit uh ciangin tua khua panin a ding khia uh hi.

2 KUMPI NIHNATE 5:20

Pasian’ mipa Elisha’ nasem Gehazi in, “Ama hong puak nate sang loin ka topa in Syria mi hih Naaman ciahsak mawk hi. Topa a nungta ahih mah bangin, amah nungdelhin ama tung panin na khat peuhpeuh ka ngah ding hi,” a ci hi.

2 KUMPI NIHNATE 5:16

Ahih hangin amah in, “A na ka sep Topa a nungta ahih mah bangin, bangmah kong sang kei ding hi,” a ci hi. Tua ciangin amah in a lakna ding kunh teitei a, ahih hangin amah in nial veve hi.

ROM (Romans) 15:26

Bang hang hiam cih leh Masedonia gam le Grik gam sunga om pawlpite in Jerusalem khua-a om Pasian’ mi a zawngte huh nadingin sum piak ding amau thu-in a vaihawmtawm uh hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna-ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Filippi 1:12

Sanggamte aw, kei tungah a piang thu in lungdamna thu mai a nawtsakzaw ahihna thu na theih ding uh ka deih hi.

Filippi 1:16

Hih bang mite in, Pasian’ hong sawlna tawh lungdamna thu ka hutna hangin thongkia ka hihna thu thei-in, itna lungsim tawh Pasian’ thu a hilh uh hi.

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.