Filippi 4:13 - Tedim Bible

¹³ Khrih in a hong piak vangliatna tawh hihte khempeuh nawkzawh nading thahatna a nei ka hi hi.

Tedim Bible Revision 2017

¹³ Khris in a hong piak vangliatna tawh hihte khempeuh nawk zawh nading thahatna a nei ka hi hi.

Filippi 4:13 Referans Kwoze

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

Kolose 1:11

Note in lungduai maitai takin thuakzo-in, khuavak gam sungah a om Pasian’ mite tawh nopsakna a ngahkhawm thei dingin a hong bawl i Pa tungah lungdamna na koh theih nadingun a minthang ama vangliatna in note tungah thahatna hong guan tahen.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

Efesa 3:16

note’ lungsim a thahat nadingin Pasian in a kicing ama vangliatna sung panin a Kha Siangtho tawh note hong thakhauh sakin,

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

1 TIMOTI MASA 1:12

Hih bangin na sepzawh nadingin thatang hatna a hong pia i Topa Khrih Jesuh tungah ka lungdam hi. Ama nasem dingin kei hong muangin hong seh ahih manin ka nuam hi.

Mattiu 14:29

Jesuh in, “Hong pai in,” a cih ciangin Peter zong gunkuang tung panin kumkhia a, Jesuh’ omna lam manawhin tui tungah a pai hi.