Filippi 4:10 - Tedim Bible

¹⁰ Topa’ hangin ka lungdamna lian mahmah hi. Hun sauveipi khit ciangin kei na hong phawkna uh na hong langsakkik thei uh hi. Kei hong kin loin omngei uh teh, a ci ka hi kei a, na hong kinna uh na hong lah nading uh hun om thei lo, ka cihna ahi hi.

Tedim Bible Revision 2017

¹⁰ Topaʼ hangin ka lungdamna lian mahmah hi. Hun sau veipi khit ciangin kei na hong phawkna uh na hong langsakkik thei uh hi. Kei hong kin loin omngei uh teh, a ci ka hi kei a, na hong kinna uh na hong lah nading uh hun om thei lo, ka cihna ahi hi.

Filippi 4:10 Referans Kwoze

2 KORIN NIHNA 11:9

Note lakah na ka sep laitakin Masedonia gam panin a hong pai pawlpi mite in ka sapna khempeuh hong puak uh ahih manin note khat beek ka hong gimsak kei hi. A beisa hunah note ka hong gimsakkhak loh mah bangin mailam hunah zong ka hong gimsakkha het kei ding hi.

Galati 6:6

Pasian thu hilhna a za mipa in ama neih na hoihte khempeuh zong, amah a hilh pa tawh zangkhawm tahen.

Filippi 1:3

Note ka hong phawk simin ka biak Pasian tungah ka lungdamna ka ko hi.

Galati 6:10

Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

2 KORIN NIHNA 6:7

thuman genna, le Pasian’ nasemte ka hihna uh, Pasian’ vang tawh ka kilangsak uh hi. Kote in kihut nading le galsim nadingin hiamin thuman ka zang uh hi.

Late 85:6

Kote in nangmah kong phat theih nadingun ko na mite hong nungtasakkik lo ding na hi hiam?

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Hosea 14:7

Keima liim nuai-ah khatvei hong omkik ding uh hi. Huan hoih sunga a po ankung hoihte bang ding uh a, leenggui gahpha bangin tampi a pha ding uh hi. Lebanon gam leenggahzu bangin minthang ding uh hi.

2 KHANG TANGTHU NIHNATE 31:8

Hezekiah le uliante hong pai-in a lomte a muh uh ciangin amaute in Topa le ama mi Israel-te thupha a pia uh hi.