Filippi 4:1 - Tedim Bible

¹ Tua ahih manin sanggamte aw, note ka hong it mahmah a, nakpitakin ka hong goih hi. Note in nakpitakin kei na hong lungnuamsak uh a, note ka hong angtanpih mahmah hi. Tua hi a, sanggamte aw, Topa sungah kiptakin nungta un.

Tedim Bible Revision 2017

¹ Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

Filippi 4:1 Referans Kwoze

Filippi 1:27

Note tawh a omkhawm dingin ka hong paithei a, ka hong paithei kei zongin note in lungdamna thu tawh kipawl upna thu-ah ngimna kikhatin kiptakin na om nading uh le deihna kikhatin na dokhawmna thu uh ka zak theih nadingin Khrih hanga lungdamna thu tawh a kilawm a kituakin na nuntak ding uh a thupi pen ahi hi.

1 KORIN MASA 16:13

Kiging tawntungin na upna uhah kip unla, thahatin hang un.

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khrih hong paikik ni ciangin kei ka kisial thei ding hi.

Late 27:14

Topa muang in. Thakhauh inla, na lungsim hangsakin, Topa muang in.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Filippi 1:8

Jesuh Khrih lungsimzah mahin note ka hong it taktakna thu Pasian in a hong thei hi.

Hebru 10:23

Pasian in piak dingin a hong ciam thu muangngam ihih manin i lametna thu kiptakin len ni.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

Johan 8:31

Tua ahih manin amah a um Jew mite kiangah Jesuh in, “Ka thuhilhnate na zuih paisuak nak-uhleh ka nungzui taktakte na hi ding uh hi.

2 TIMOTI NIHNA 2:1

Ka ta aw, nang na hih leh Khrih Jesuh tawh i kipawl manin i ngah hehpihna hangin thahatin om in.

Filippi 2:26

Amah in note hong munuam mahmah a, ama natna na zak manun amah zong lunghimawh mahmah hi.

2 KORIN NIHNA 1:14

Topa Jesuh hong paikik Ni ciangin a cingtakin thei ding na hih manun note hangin ka kisialh uh mah bangin note zong kote hangin na kisial ding uh hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an nekhawmin, thu zong a ngenkhawm uh hi.

Late 125:1

Topa a muang mite pen ling hetloin a om tawntung Zion Mual tawh kibang hi.

2 PETER NIHNA 3:17

Tua ahih ciangin ka itte aw, hih thute theikhol unla, ngeina man zui lo mite’ khemna zuikha-in na bulkip panun na pukkhak loh nadingun na kidawm un.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

2 THESALONIKA NIHNA 2:15

Tua ahih ciangin sanggamte aw, kam tawh ahi a, lai tawh ahi zongin ka hong hilh uh thumante limtakin zui unla, kiptakin om un.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

Galati 5:1

Khrih in eite hong khahkhiat khitna hangin mi suaktate hi khinta ihih manin tua suahtakna thu-ah kipin om unla, sila va suakkik nawn kei un.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

1 THESALONIKA MASA 3:13

Tua hileh i Topa Jesuh a mi siangthote khempeuh tawh hong pai ciangin eite’ Pa ahi Pasian’ mai-ah kisuanna om hetloin lungsim siangtho takin na om thei ding uh hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuakzo mite in hotkhiatna a ngah ding uh hi.

JOB (Job) 31:36

tua mawhsaknate kisialhna tawh ka ngawngah ka ok ding a, mi khempeuh in a muh dingin ka sangsak ding hi.