Filippi 3:8 - Tedim Bible

⁸ Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

Tedim Bible Revision 2017

⁸ Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Filippi 3:8 Referans Kwoze

ROM (Romans) 8:18

Tuhuna i thuaknate pen Pasian in a hong piak ding minthanna tawh ka ngaihsut khawm ciangin gentham ka sa het kei hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Filippi 3:7

Ahi zongin hamphatna-in ka neih theih ding tua bangte khempeuh, Khrih hangin supngam dingin ka ngaihsun hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

Filippi 3:10

Jesuh Khrih thei-in, ama thawhkik bangin thokikin, kei zong sihna panin hong hingsakkik ding hi, ci-in ka lametna hangin ama thuak bangin thuakin, sihna-ah zong amah tawh ka kibat ding ka utpi pen ahi hi.

2 PETER NIHNA 1:3

Ama minthanna le a hoihnate a neikhawm dingin a hong sampa i theihna hangin Pasian’ deih bangin biakna mantak i nuntak theih nadingin ama vangliatna in eite’ kisap na khempeuh a hong pia hi.

1 KORIN MASA 2:2

Bang hang hiam cih leh note kiangah ka om laitakin singlamteh tungah Jesuh Khrih a sihna thu simloh thudang peuhmah ngaihsut loh dingin ka ngaihsutsa ahi hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 14:20

Tua hun ciangin Pa sungah kei ka omna thu, le note sungah ka hong om mah bangin keima sungah na omna thu uh na thei ding uh hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Johan 14:7

Note in kei na hong theih nak-uhleh ka Pa zong a thei na hi uh hi. Tua ahih ciangin tu a kipanin Pa thei-in a mu khinta na hi uh hi,” a ci hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Efesa 4:13

Tua hileh Pasian’ Tapa i theihna le i thu upna-ah kithukhatin, eite a khangcing suakin, Khrih’ cingtaakna ciang i banto ding hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

1 JOHAN MASA 1:3

Pa Pasian le a Tapa Jesuh Khrih tawh kote pawlkhatin ka om uh mah bangin note zong kote tawh pawlkhat nong suahtheih nading uh deihna-in ka muhsa uh le ka zaksa uh thute a hong gen ka hi uh hi.

2 TIMOTI NIHNA 4:6

Kei ka hih leh Pasian biakna-in hong kipiak ding hun hong tungta hi. Hih leitung nuntakna ka nusiat ding hun hita hi.

Johan 20:28

Thomas in zong, “Ka Topa, ka Pasian!” ci-in a dawn ciangin

Johan 16:3

Amaute in ka Pa ahi a, kei ahi zongin hong thei lo uh ahih manin tu-a bangin note a hong bawl ding uh ahi hi.

Late 126:6

Kap kawmin kuankhia-in a tuh ding khaici a pua mi lungdamin kikona tawh buhlomte pua-in hong ciah ding hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

1 PETER MASA 2:7

Tua ahih manin no a um mite a dingin amah pen a manpha suang hi a, ahi zongin amah a um lote a dingin, “Innlamte in a nilkhiat suang, innkiu suang bulpi a suak khinta hi,”

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

1 KORIN MASA 9:10

Hih bang a gen ciangin ei mihingte hong cihnopna hi a, eite a dingin a kigelh thu ahi hi. Lo a khopa le an a lapa in amau’ ngah dingin a kilawm an a ngah dingin lametna tawh nasem ahi uh hi.

Johan 20:13

Tua vantung mite in Mary kiangah, “Bang hangin kap na hi hiam?” ci-in a dot uh ciangin amah in, “Amaute in ka Topa paikhiatpih uh a, koi lai-ah koih ahi uh hiam, cih ka thei kei hi,” ci-in a dawng hi.

Luka 11:20

Note’ ngaihsut bang hi loin, ke’n Pasian’ vangliatna tawh dawite hawlkhia ka hih manin, note kiangah Pasian’ Ukna hun hong tungta ahihna phawk un.

Gamlak-vakna 14:30

Jefunneh’ tapa Kaleb le Nun’ tapa Joshua simloh, note tengsak dingin ka kiciamna leitangah khat beek na tung kei ding uh hi.

Luka 1:43

Ka Topa’ nu kei kiangah hong hawh nadingin, bang hangin hih bang thu lian kei tungah hong tung ahi hiam?

Malakhi 2:3

Na suanlekhakte uh nakpitakin ka thuhilh ding a, note ahihleh, na biakpiakna ganhing uh a ekte tawh na maitang uh hong zut gawpin tuate tawh kong lawnkhia khawm ding hi.

JOB (Job) 20:7

leivui them bangin maimang veve lel ding hi. Amah a thei ngei mite in, ‘Amah koi-ah omta ahi hiam?’ ci-in lamdangsa ding uh hi.

2 KUMPI NIHNATE 9:37

Tua ciangin Jezebel’ luanghawm pen Jezreel khuasung lei maitang tungah eklei tawh kibang ding hi. Tua ahih manin kuamah in, “Hih pen Jezebel hi,” cih thei lo ding hi,’ ci hi,” a ci hi.

1 KUMPI MASATE 14:10

Tua ahih ciangin en in, mi khat in a bei matengin ek a haltum mah bangin Jeroboam innkuan tungah siatna tungsakin, sal le sal ahi lo mi a kibangin pasal khempeuh Jeroboam innkuan panin ka susia ding a, Israel sungah Jeroboam innkuan ka beisiangsak ding hi.

Late 73:25

Nang simloh vantungah kua nei ka hi hiam? Nang simloh ka deih ding leitungah kuamah om lo hi.

ROM (Romans) 8:39

leitung a om nate, leinuai-a om nate, Pasian’ bawlsa nate khat peuhpeuh in i Topa Khrih Jesuh hangin Pasian in eite hong itna tawh hong khenzo het lo ding hi.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Filippi 3:12

Ahi zongin ka utna tungkhin ing, cingtaak khinta ing, a ci ka hi kei hi. Khrih Jesuh in kei a dingin a hong sepsak hamphatnate kimtakin ka ngahtheih nadingin a hanciam lai ka hi hi.

2 PETER NIHNA 1:2

Pasian le i Topa Jesuh na theihna uh hangin hehpihna le nopsakna thupha note tungah tampi tak hong tung tahen.

2 PETER NIHNA 1:8

Hih bang hoihnate a kicingin na neih uhleh i Topa Jesuh Khrih na theihna uhah thahatin kimanna na nei ding uh hi.