Filippi 3:6 - Tedim Bible

⁶ nak hahkatlua kisa-in pawlpite nangawn ka bawlsia hi. Thukham zuihna tawh midik kitang ding hileh paubaanna mahmah ka nei kei hi.

Tedim Bible Revision 2017

⁶ nak hahkat lua kisa-in pawlpite nangawn ka bawlsia hi. Thukham zuihna tawh midik kitang ding hileh paubaanna mahmah ka nei kei hi.

Filippi 3:6 Referans Kwoze

Sawltak 8:3

Ahi zongin Saul in pawlpi suksiat ding hanciam a, inn khat pan inn khatah pai kawikawi-in, thu um numei le pasalte kai-in thong sungah a khia hi.

Mattiu 5:20

Tua ahih manin Pasian’ deihna bangin gamtat nading thu-ah Thukham hilh siate le Farisi mite sangin na cihtakzawk uhleh vantung ki-ukna sungah a om thei bek ding na hi uh hi.

1 TIMOTI MASA 1:13

A beisa hunah amah gensia-in, simmawh bawlin, ama mite a bawlsia pa ka hih ngei tei hangin ama thu ka up nai loh manin theih lohna tawh a gamta ka hih manin Pasian in kei hong hehpih hi.

Filippi 3:9

Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesuh Khrih upna hangin Pasian in a hong piak diksakna ka ngah a, tua pen upna siksanin a hong kipia ahi hi.

1 KORIN MASA 15:9

Bang hang hiam cih leh kei pen Pasian’ pawlpi a bawlsia mipa ka hih manin sawltak cih dingin zong a kilawm lo zah dongin sawltakte lakah a neupen ka hi hi.

ROM (Romans) 7:9

Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.

Sawltak 26:5

Kote’ biakna sungah a hahkat phadiak Farisi pawl a kicite sunga ka om cil a kipanin ka nuntakzia khempeuh, a gennop nak-uhleh hong genthei ding uh hi.

Sawltak 21:20

Ama thugen teng a zakkhit uh ciangin a vekpi-un Pasian a phat uh hi. Tua ciangin Paul kiangah, “Sanggam aw, hih lai-ah na theih ding thu khat om hi. Hih lai-ah thu um Jew mi tampi tak om a, amaute in thukham nakzuih mahmah uh hi.

Luka 1:6

A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

Mattiu 23:25

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in hai le kuangte a pualam na siangsak uh a, ahi zongin tuate sungah, thatanghat thu le huaihamna tawh mi-a’ na suh uh nate a om hi.

2 KUMPI NIHNATE 10:16

Tua ciangin amah in, “Kei hong zui inla, Topa a’ ding ka deihluatna hong thei in,” a ci hi. Tua ahih ciangin Jehu in a leeng sungah amah tuangsak hi.

2 SAMUEL NIHNA 21:2

Tua ahih ciangin kumpipa in Gibeon mite sam hi. Tu-in Gibeon mite pen Israel-te’ sung hi loin Amor mi a omlaite ahi uh hi. Amaute a hingkhawi ding Israel mite kiciam khin napi-in, Israel le Judah mite a’ ding a deih luatna-in Saul in amaute thah dingin hanciam hi.

Thuhilh-sia 7:16

Tua ahih ciangin hoihlua kei inla, lah sia lua kei in. Bang hangin nang kisiasak tawm ding na hi hiam?

Sawltak 22:5

Hih ka thugente a man ahihna thu, siampi lianpen pa le upa khempeuh in hong genthei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piaktheih nadingun tua khua-a om thu um mite manin sikkhau khihin Jerusalem khua-ah a ciahpih dingin ka va pai hi.

1 KORIN MASA 10:32

Jew mi ahi a, Gentail mi ahi a, Pasian’ pawlpi mi ahi zongin na lungnopmawhsak loh nadingun na gamta un.

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasian’ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Siampi Laibu 13:16

Ahih hangin a ma thak pen kikheel kikin a kang a suah leh, siampipa kiangah pai ding a,

Thukhente 6:30

Tua ciangin tua khuamite in Joash kiangah, “Na tapa in Baal biakna tau phelkhia-in a gei-a om Asherah milim phuk ahih manin ka thah theih nadingun amah hong paikhiatpih in,” a ci uh hi.