Filippi 3:5 - Tedim Bible

⁵ Ka suahzawh a ni giat ni-in ka vun a ki-at hi. Kei pen Hebru minam citak ka hi a, Israel mite sung panin Benjamin’ suante ka hi hi. Jew Thukham zuihna tawh kisai-in Farisi mi pawl ka hi a,

Tedim Bible Revision 2017

⁵ Ka suah zawh a ni giat ni-in ka vun a ki-at hi. Kei pen Hebru minam citak ka hi a, Israel mite sung panin Benjaminʼ suante ka hi hi. Jew Thukham zuihna tawh kisai-in Farisi mi pawl ka hi a,

Filippi 3:5 Referans Kwoze

2 KORIN NIHNA 11:22

Amaute Hebru mi ahihleh kei zong Hebru mi mah ka hi hi. Amaute Abraham’ suan Israel mite ahihleh kei zong Abraham’ suan Israel mi mah ka hi hi.

ROM (Romans) 11:1

Tua ahihleh Pasian in ama mi Israel-te nialin nusia mangkhin ahi hiam? Tua bang hi dek lo hi. Kei mahmah zong Abraham’ suan Israel mite ka hi a, tua sung panin Benjamin’ suan ka hi hi.

Sawltak 23:6

Paul in tua uliante lakah Saddusi mi le Farisi mi a omlam a muh ciangin amaute kiangah, “Lawmte aw, kei pen Farisi mite’ suan ahi Farisi mi ka hi hi. Mi site hingkik ding hi, ci-in lamenin upna ka neih manin hih lai-ah thusitna ka thuak hi,” a ci hi.

Sawltak 22:3

“Kei pen Silisia gam Tarsas khua-a suak Jew mi ka hi a, ahi zongin hih lai Jerusalem khua-ah Gamaliel’ khut sungah sangnaupang hi-in a khangto ka hi hi. I pu i pate’ Thukham limtakin hong kihilh a, tu-a note zah mahin Pasian tungah a kipia mi khat ka hi hi.

Piancilna 17:12

Note’ lak panin ni giat a pha peuhmah pa a vun ki-at ding hi. Note’ khang tawntungin pasal peuhmah, note’ inn sunga suak hitaleh, note’ ta ahi lo, gamdang mi khatpeuh kiang panin na sum uh tawh na lei uh hitaleh

Luka 1:59

Naungek nipikal khat a phak khit ciangin a vun a at dingin hong pai uh a, a naungek’ min dingin zong a pa’ min mah ahi Zekhariah phuah ding a sawm uh hi.

Sawltak 6:1

Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tuidawn, sumlepai hawmna-ah ka meigong numeite uh hong kipiaksak lo hi,” ci-in lungkim lo uh hi.

Luka 2:21

Naungek a vun a ki-at ni hun nipikal khat a cin khit ciangin, amah a kipaii ma-in a min dingin vantungmi in a piaksa ahi Jesuh, a min dingin a phuak uh hi.

Jonah 1:9

Amah in, “Kei pen Hebru mi ka hi hi; tuipi le leitang a bawl, vantungte’ Pasian ahi Topa ka bia hi,” a ci hi.

1 SAMUEL MASA 4:6

Filistia mite in otna gamlumna a zak uh ciangin amaute in, “Hebru mite’ giahphual ah nakpi a hih bang otna bang a cihnopna ahi hiam?” a ci uh hi. Topa’ Thuciamna Singkuang giahphual a tun khitna a theih uh ciangin

Piancilna 40:15

Bang hang hiam cih leh Hebru mite’ gam panin kei hong kigukhia a, hih lai-ah zong amaute in thong mial sungah kei hong koih nadingin bangmah ka gamta kei hi,” a ci hi.

Piancilna 14:13

Tua ciangin a suakta mi khat hong pai-in, Hebru mi Abram’ kiangah hong gen hi. Amah pen Eshkol le Aner’ sanggampa ahi hi. Amor mi hi a, Mamre tawsawte gei-ah teng hi. Hih mite pen Abram’ kipawlpihte ahi hi.

Piancilna 41:12

Inncing mangpa’ nasem ahi Hebru mi tangval khat tua lai-ah kote tawh om hi. Ama kiangah ka gen uh ciangin, amah in ka mangte uh hong khiatsak a, ka mang uh tawh a kizui tuakin a khiatna hong gen hi.

Luka 5:38

Tua ahih manin savun um thak sungah leenggahzu thak a kikoih ding ahi hi.