Filippi 3:21 - Tedim Bible

²¹ Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Tedim Bible Revision 2017

²¹ Amah in na khempeuh ama khutnuai ah koihna-in a zat vangliatna mah tawh a gina lo i leitung pumpi pen ama aʼ mah bangin a minthang pumpi tawh hong kheelsak ding hi.

Filippi 3:21 Referans Kwoze

Kolose 3:4

Note’ nuntakna taktak Khrih ahih manin amah hong kilat ciangin note zong amah tawh hong kilang khawmin amah tawh na minthang khawm ding uh hi.

1 JOHAN MASA 3:2

Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.

Isaiah 26:19

Nangma mi a sisate hingkik ding uh a, amau’ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi-a a sisa mite Topa in hingkiksak ding hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 17:2

Tua lai mun panin amaute’ muhtangpi mahin Jesuh a mel kikheel a, a maitang ni bangin taangin, a puante khuavak bangin a ngo hi.

Mangmuhna 1:8

A beisa hun, tuhun, le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Mattiu 22:29

Ahi zongin Jesuh in, “Note in Lai Siangtho thu ahi a, Pasian’ vangliatna ahi zongin thei lo na hih manun na ngaihsunkhial uh hi.

Hosea 13:14

Leinuai-a misite’ omna-ah a pai nading uh panin honin, sih nading panin suaktasak ding ka hi hiam? Sihna aw, gimna na piakna-ah amaute ka hehpih kei hi. Leinuai-a misite’ gam aw, na suksiatna-ah amaute ka khasiat kei hi.

Isaiah 25:8

Amah in sihna beimangsak ding a, maitang khempeuh panin khitui nul ding hi. Leitung khempeuh panin ama mite a kizahkona lakhia ding hi. Bang hang hiam cih leh Topa in hih thu gen khinzo hi.

Solomon la 1:11

Nangma a dingin kham khainiang bawlin na kizepna ding zong ngun tawh bawl ni.