Filippi 3:12 - Tedim Bible

¹² Ahi zongin ka utna tungkhin ing, cingtaak khinta ing, a ci ka hi kei hi. Khrih Jesuh in kei a dingin a hong sepsak hamphatnate kimtakin ka ngahtheih nadingin a hanciam lai ka hi hi.

Tedim Bible Revision 2017

¹² Ahi zongin ka utna tung khin ing, cingtaak khinta ing, a ci ka hi kei hi. Khris Jesu in kei adingin a hong sepsak hamphatnate kimtakin ka ngah theih nadingin a hanciam lai ka hi hi.

Filippi 3:12 Referans Kwoze

Late 138:8

Topa in kei a dingin a ngaihsutte hong tungsak ding hi. Topa aw, na itna kip tawntung hi. Na sepsa na maban hong tun ta in.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Isaiah 51:1

Topa in, “Hotkhiat ding a ut, Topa a zongte aw, ngai un. Note hong ki-eu khiatna suangpi, note hong kitawhkhiatna khuk en un.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

Efesa 1:4

Ama mai-ah eite pen paubaanna a nei lo, mi siangthote ahi ding le Khrih hangin ama mite ahi dingin leitung a pianma pek nangawnin Pasian in a hong teelsa ihi hi.

Filippi 3:16

Bangbang hitaleh ang, i tunna ciangciang panin mainawt ciat ni.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

Jeim 3:2

Eite khempeuh a khialthei zelzelte vive ihi hi. Kampauna-ah a khial ngei lo mi a om leh a cingtaak mahmah hi a, a pumpi zong a ukzo mi ahi hi.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Galati 5:17

Bang hang hiam cih leh ei’ pumpi ut bangin gamta lehang Kha Siangtho’ deihna tawh na kituak lo a, Kha Siangtho’ deihna bangin gamta lehang ei’ pumpi deihna tawh na kituak lo zel ahih manin hih nih tegel a kilangpang niloh na hi a, note’ ut bangin a gamta thei lo na hi uh hi.

JOB (Job) 17:9

Mite’ zahtaka a kinei mite in amau’ ngaihsutna uh man mahmah sa semsem uh hi.

1 PETER MASA 5:10

Tawlkhat na thuak khit uh ciangin, Khrih tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl ding a, kipna, thahatna, bulkip kician hong pia ding hi.

2 THESALONIKA NIHNA 2:13

Ahi zongin sanggamte aw, Topa in note hong it a, Kha Siangtho vangliatna hang le note in thuman na upna uh hangin ama mi siangthote na suah nadingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.

Efesa 4:12

Hih nasep a tuamtuamte khempeuh a sem dingin Pasian’ mi khempeuh kigingkhol sakin Khrih a dingin na semin Khrih pumpi a khansak theihna ding deihna ahi hi.

2 KORIN NIHNA 13:9

Kote’ deih bulpi pen note na cingtaak theih nading uh ahih manin note’ thahat laitakin kote ka thaneemna uh zong ka nuam veve uh hi.

1 KORIN MASA 13:10

Ahi zongin a kicing thu hong tun ciangin a kicingtaak lo thuteng maimang ding hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Late 119:5

Nangma ngeina kipte zuihna-ah ka gamtatna kip tahen.

Late 84:2

Ke’n ka lunggulh mahmah hi. Topa’ huangsung ka lunggulh mahmah a, ka lungsim le ka pumpi a nungta Pasian’ tungah lungdam mahmahin la a sa hi.

Late 63:8

Nangmah ka hong bel a, nangma taklam khut in keimah a hong len hi.

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

1 TIMOTI MASA 6:19

Tua hileh mai lamah amaute’ nuntak nading bulpi taktak ahi neihsate, amau a dingin a khol mite ahi ding uh hi.

Sawltak 9:15

Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuahsate, a inn-ah zin le leengla do a siam mite, kiniamkhiatin Pasian’ mite’ khe a silsakte, a lungkham mite a huhte, le thu khempeuhah a hoih gamtat mite hi lai ding uh hi.

Late 94:15

Bang hang hiam cih leh thutang pen thuman mite tungah hong tungkik ding a, lungsim thutang khempeuh in amah zui ding uh hi.

Hebru 12:23

vantungah a min a kikhum Pasian’ ta upate a kikhopna, mi khempeuhte’ thu a khen Pasian’ kiang, a cingtaakin a kibawl midikte’ kha a omna,

Late 42:1

Sakhi in tuiluang sialsial a lunggulh bangin nang ka hong lunggulh hi, ka Pasian aw.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

ROM (Romans) 8:39

leitung a om nate, leinuai-a om nate, Pasian’ bawlsa nate khat peuhpeuh in i Topa Khrih Jesuh hangin Pasian in eite hong itna tawh hong khenzo het lo ding hi.

1 KORIN MASA 9:24

Tai kidemna-ah mi khat bek in thaman a ngah ding hinapi-in a vekpi-un tai veve uh hi. Tua ahih manin thaman na ngahzawh nadingun na tai un.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Filippi 3:3

Bang hang hiam cih leh eite in Kha Siangtho’ hong huhna tawh Pasian bia-in, Jesuh Khrih tawh i kipawl manin lungdamin, a tung lama kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.