Filippi 2:3 - Tedim Bible

³ Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsutzaw un.

Tedim Bible Revision 2017

³ Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsut zaw un.

Filippi 2:3 Referans Kwoze

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

Galati 5:26

Kuamah kiphasak loin, khatlekhat kiphin loin, kuamah i kihaza kei ding hi.

Efesa 5:21

Khrih na zahtakna uh hangin na thu uh na kimang tuak un.

Efesa 4:2

Kiniamkhiatin, thunemin, lungduai-in om tawntung un. Khatlekhat kihuhna tawh na ki-itna uh kilangsak un.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Filippi 2:14

Na khempeuh phun lo, thu nial loin sem un.

Galati 5:15

Ahi zongin note pen gamsa bangin khatlekhat kiphuai-in kipetkha le-uhcin na vekpi-un na siatlawhkhak ding uh lauhuai ahih manin hoihtakin na kidawm un.

1 TIMOTI MASA 6:4

a kiphasak mawkmawk hi uh a, bangmah a thei het lo ahi uh hi. Tua bang mite in thu kisel thu kinial cihte ut belin nei uh a, hazatna, lungsim kituah lohna, kizahkona, a sia lamin ki-upmawhnate piangsak uh a,

Luka 18:14

Ke’n kong cihin-ah, hih mipa pen Pasian tawh a kilemsa-in a inn-ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiatsuk ding a, a kiniamkhiatte pen a lianin kibawl ding hi,” a ci hi.

Paunak 13:10

Hilh ding ut lo, kihihsakna in kitotna bek piangsak thei a, hong kithuhilh ding utna pen a hoihzaw ahi hi.

Kolose 3:8

Ahi zongin tu-in hehna, thangpaihna, muhdahna, gensiatna, kam hoih lo pauna cihte nei nawn kei un.

2 KORIN NIHNA 12:20

Bang hang hiam cih leh note kiangah ka hong tun ciangin note’ omzia ding ka deih bangin na om loh khak ding uh le note in keima maisuah na muhnopzia bangun na hong muh loh khak ding uh ka lunghimawh hi. Note lakah kitotna, hazatna, hehna, huaihamna, mi zahpihna, mi gensiatna, kiphatsakna, le buaina a omkhak ding ka lunghimawh hi.

1 KORIN MASA 3:3

Bang hang hiam cih leh Pasian’ deihna bangin gamta loin, leitung lungsim deihna bangin gamta lai na hih manun upna sungah naungek bang ahi lai na hi uh hi. Note khatlekhat kihaza-in kitawng kiselin na om uh ciangin hih leitung mite mah a bang lel na hihna uh hong kilang hi.

1 KORIN MASA 15:9

Bang hang hiam cih leh kei pen Pasian’ pawlpi a bawlsia mipa ka hih manin sawltak cih dingin zong a kilawm lo zah dongin sawltakte lakah a neupen ka hi hi.

ROM (Romans) 13:13

Sun khuavak sunga om mite bangin a kilawmin gamta ni. Gualnopna le zukhamna, mawhna le thangtatna, kitotna le kihazatnate-in i hun beisak kei ni.

ROM (Romans) 2:8

ahi zongin ama deihna bek zui-in, a gamtat dingin a kilawm bangin gamta loin, a man loin a gamta mite tungah Pasian in ama hehna hangin gimna tungsak ding hi.

Kolose 3:12

Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

1 PETER MASA 3:8

A tawpna-ah kong gennop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.