Filippi 2:25 - Tedim Bible

²⁵ Note in kamtai ding le keimah hong huh dingin na hong sawl uh, kei tawh na semkhawmin gal hong simpih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Tedim Bible Revision 2017

²⁵ Note in kamtai ding le keimah hong huh dingin na hong sawl uh, kei tawh na sem khawmin gal hong sim pih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Filippi 2:25 Referans Kwoze

Filippi 4:18

Note’ hong piak nate kicing piikpeek hi. Epafroditas in note’ hong na khakte hong tunpih ahih manin ka kitangsapna khempeuh kicingkim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Kolose 1:7

Hih thu pen, Khrih nasepna sungah kote’ tangin citakin na a sem, kote’ naseppih Epafras tung panin na zak uh ahi hi.

Filippi 4:3

Hih numei nihte in Klement le a nungta mite a kikhumna Pasian’ laibu sungah a kikhum, ka naseppih dangte khempeuh tawh, lungdamna thu a kizelh nadingin nakpitakin kei tawh na hong semkhawm uh ahih manin, citakin kei tawh na a semkhawm note in zong amau tegel na huh nadingun ka hong thum hi.

1 KORIN MASA 3:9

Kote pen Pasian a dingin na a semkhawm mite ka hi uh a, note pen Pasian’ lo na hi uh hi. Note pen Pasian’ inn zong na hi uh hi.

Filemon 1:24

ka naseppih Marka, Aristarkhas, Demas, le Luka-te in hong hopih uh hi.

Paunak 25:13

Amah a sawlte tungah a citak kamtai pa pen anlak huna tuivot tawh kibang a, a tote’ lungsim thaksuak sak hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

Kolose 4:11

Justas zong a kici zel Jesuh in zong note hong hopih hi. Vun-atna a zang Jew mi Khristian a hong suakte lak panin hih mi thumte bek, Pasian thu-ah ka naseppih lakah a hong kihel ahi hi. Ka nasepna-ah amaute in nakpitakin hong huh uh hi.

2 KORIN NIHNA 2:13

Ahi zongin tua lai-ah i sanggampa Titus na om lo ahih manin ka lungsim om thei nawn lo hi. Tua ahih manin tua lai-a om mite nusia-in Masedonia gamah ka paisuak hi.

Johan 17:18

Leitungah kei na hong sawl mah bangin kei zong leitung mahah amaute ka sawl hi.

Johan 13:16

A mantakin ci lehang, sila pen a topa sangin lianzaw ngei lo a, a kisawlpa zong a sawl pa sangin lianzaw ngei lo hi.

ROM (Romans) 16:3

Khrih Jesuh sungah na ka sepkhoppih Prisilla le Aquila na hopih sak un.

ROM (Romans) 16:9

Khrih nasepna sungah na ka sepkhoppih uh ahi Urbanas, le ka lawm Stakhus zong na hopih sak un.

Filippi 2:26

Amah in note hong munuam mahmah a, ama natna na zak manun amah zong lunghimawh mahmah hi.