Filippi 2:2 - Tedim Bible

² Tua ahih manin kei tawh ngaihsutna kibangin note khatlekhat ki-itin, khatlekhat lungsim kituakin na omna uh tawh keima lungdamna na hong cingtaaksak nadingun ka hong kun hi.

Tedim Bible Revision 2017

² Tua ahih manin kei tawh ngaihsutna kibangin note khatlekhat ki-itin, khatlekhat lungsim kituakin na omna uh tawh keima lungdamna na hong cingtaaksak nadingun ka hong kun hi.

Filippi 2:2 Referans Kwoze

ROM (Romans) 12:16

Mi deidan loin a kibangin en un. Kiphasak loin mineute tawh kikhawlthei unla, kipilsak se kei un.

1 KORIN MASA 1:10

Sanggamte aw, note khatlekhat kithutuakin, pawl kikhenna omkha loin, na lungsim, na ngaihsutna uh le na ngimna uh na kikhatsak nadingun i Topa Jesuh Khrih min tawh ka hong thum hi.

2 KORIN NIHNA 13:11

Sanggamte aw, tu-in mangpha na man un. Na omzia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a piathei Pasian in note hong ompih tahen.

3 JOHAN THUMNA 1:4

Tate bangin ka hong neih mite a mantakin a gamtatna uh ka zakna hangin ka lungdamna sangin adang lungdamna lianzaw bangmah om lo hi.

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khrih hong paikik ni ciangin kei ka kisial thei ding hi.

Sawltak 2:46

Nisimin biakinn-ah kikhawm uh a, a innte uhah an nekhawmin, lungdamna le kiniamkhiatna tawh a ne ciat uh hi.

2 JOHAN NIHNA 1:4

Pa Pasian in eite hong thupiakna bangmahin na pawlpi mite pawlkhat in thu a mantakin a zuihna uh mu ka hih manin ka nuam mahmah hi.

2 THESALONIKA NIHNA 2:13

Ahi zongin sanggamte aw, Topa in note hong it a, Kha Siangtho vangliatna hang le note in thuman na upna uh hangin ama mi siangthote na suah nadingun nopsakna a ngah masa dingin Pasian in note hong teel ahih manin note hangin Pasian tungah lungdamna ka ko tawntung uh hi.

Kolose 2:5

Bang hang hiam cih leh note tawh ka hong omkhawm loh hangin ka lungsimin note tawh ka hong omkhawm a, Khrih na upna uh hangin kiptakin na omkhawmna uh ka theih manin ka nuam mahmah hi.

Filippi 4:2

Euodia le Sintikhe, Topa’ hangin a kilemkik ding uh ka thum nuam hi.

Filippi 2:20

Note ka hong lunghihmawh zahin amah bek mah in note hong lunghihmawhpih hi.

2 KORIN NIHNA 7:7

Ama hong tunna hang bek zong hi loin ama lungsim a thahat nadingin note’ gamtatna zong a hong zasak hi. Note in kei na hong muhnopna thu uh, note na dahna thu uhleh kei na hong hutnopna thu uh hong gen ahih manin ka lung a dam semsem hi.

2 KORIN NIHNA 2:3

Kei lungdam leng note khempeuh zong a lungdam ding na hihna uh teltakin thei ka hih manin, kei a hong lungdamsak ding note in kei’ dahna nong piansakkhak loh nading uh ka deihna tawh kei hong pai loin tua lai a hong gelh ka hi hi.

Sawltak 5:12

Sawltakte in mite lakah lim le nalamdang tampi a bawl uh hi. Thu um mi khempeuh Solomon’ Talap-ah kikhawmin a om uh hi.

Sawltak 1:14

Numeite, Jesuh’ nu Mary, le Jesuh’ naute tawh thungen khawm dingin a kikhawm zelzel uh hi.

Filippi 1:4

Note in lungdamna thu na zak ni uh a kipanin tuni ciang dong, lungdamna thuhilh nasepna-ah kei na hong huhna uh hangin ka nuam mahmah a, note a dingin thu ka nget simin lungdam mahmahna tawh ka ngen tawntung hi.

Johan 3:29

Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

2 TIMOTI NIHNA 1:4

Na khitui luannate phawk ka hih manin ka lung a dam theih nadingin nang tawh kimu nuamin a sun a zanin ka ngaihsun tawntung hi.

Sawltak 2:1

Pentekos ni hong tun ciangin Jesuh a um mi khempeuh mun khatah kikhawm uh hi.

Filemon 1:20

Tua ahih manin sanggam aw, Topa’ hangin hih ka hong thumna hong pia in. Khrih sungah unau khat ihih manin ka lungsim hong nuamsak in.

Late 122:8

Sanggamte le kikholhpihte ka khualna-in, “Jerusalem in nopna om ta hen,” ka ci ding hi.