Filippi 2:19 - Tedim Bible

¹⁹ Note kiang panin thu ka zakna hangin ka lung a noptheih nadingin note kiangah Timoti ka hong paisak baih nadingin Topa Jesuh in hong huh ding hi, ci-in ka lamen hi.

Tedim Bible Revision 2017

¹⁹ Note kiang panin thu ka zakna hangin ka lung a nop theih nadingin note kiangah Timoti ka hong paisak baih nadingin Topa Jesu in hong huh ding hi, ci-in ka lamen hi.

Filippi 2:19 Referans Kwoze

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesuh Khrih thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Filippi 2:28

Tua ahih manin amah na muh uh ciangin na lungdam theih nading uh le kei’ lunghihmawhna a kiam nadingin amah ka hong ciahsak ding ka kin semsem hi.

Jeim 4:15

Note in, “Topa in hong thukimpih nakleh nungta-in tua bang tua bang i sem ding hi,” na cih ding uh hi bek hi.

2 TIMOTI NIHNA 1:12

Tua ahih manin hih bangteng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsakzo ding hi, ci-in thei ka hih manin ka maizum het kei hi.

2 THESALONIKA NIHNA 1:3

Sanggamte aw, note’ upna nakpitakin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

Efesa 1:13

Note in zong hotkhiatna a hong ngahsakthei Lungdamna Thu a man za-in Khrih na up uh ciangin, Pasian in a hong ciamsa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

ROM (Romans) 16:21

Ka naseppih Timoti in note hong hopih a, Jew mipih Lusias, Jason, le Sosipater-te in zong hong hopih uh hi.

ROM (Romans) 15:12

tua ciangin Isaiah in, “Jessi’ suante khat hong khang ding a, Gentail mite a uk dingin milian hong suak ding a, ama hangin Gentail mite in lamet lungmuanna nei ding uh hi,” cihnate a kigelh hi.

Mattiu 12:21

Gentail mite in amah bek mah lametin nei ding uh hi,” ci hi.

Jeremiah 17:5

Topa in kong cihin-ah: “Mi bek muangin mi’ hatna bek suang a, Topa tawh a lungsim a kilehngat mi in hamsiatna a ngah ahi hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua-ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Filippi 2:18

Tua mah bangin note in zong hong lungdampih ta un.

1 THESALONIKA MASA 3:5

Tua ahih manin ka thuakzawh nawn loh ciangin note’ upna zia a thei dingin Timoti ka hong sawl hi. Dawimangpa’ ze-etna in note hong puksakkha-in, kote’ nasepna a mawkna suakkha ding hi, ci-in ka lunghimawh uh hi.