Filippi 2:17 - Tedim Bible

¹⁷ Note’ upna hangin biakpiakna-in keimah hong kigo hitaleh zong, note khempeuh mah bangin kei zong ka lungdam veve ding hi.

Tedim Bible Revision 2017

¹⁷ Noteʼ upna hangin biakpiakna-in keimah hong kigo hitaleh zong, note khempeuh mah bangin kei zong ka lungdam veve ding hi.

Filippi 2:17 Referans Kwoze

2 TIMOTI NIHNA 4:6

Kei ka hih leh Pasian biakna-in hong kipiak ding hun hong tungta hi. Hih leitung nuntakna ka nusiat ding hun hita hi.

ROM (Romans) 15:16

Gentail mite tungah na a sem dingin Khrih Jesuh sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasian’ tungah a piak, ama santheih biakpiaknate a suahtheih nadingin Pasian kiang panin a hong pai Lungdamna Thu ka hilhna-ah siampi bangin na ka sem hi.

2 KORIN NIHNA 12:15

Note ka hong huhtheih nadingin lungdamtakin ka neih khempeuh kong piaknop banah keima pumpi mahmah zong ka hong kipia nuam hi. Tuazah takin ka hong itna pen it lohna tengin hong nei zawsop ding na hi uh hiam?

Kolose 1:24

Tu-in ka pumpi-in ka thuakna tawh Khrih in ama pumpi ahi pawlpi a dingin a thuak ding a kisam laiteng a kitangcingsak suak ka hih manin note a dingin ka thuakna thu-ah ka lung a dam hi.

Filippi 1:20

Ka si a, ka hing zongin, a diak diakin tu a kipanin a tawntungin midangte in Khrih phat theih nading lungsim hanna a neih theih nadingun ka lungsim le ka pumpi tawh keima tavuan ka lelh hetloh nading pen ka deihdeih, ka lametet bulpi ahi hi.

2 KORIN NIHNA 7:4

Note hong muang mahmahin note hangin ka kisathei a, lungkhamna a tuamtuam ka tuah hangin lunghimawh loin ka lungnuam mahmah hi.

1 JOHAN MASA 3:16

Itna i cih bangci theih ding ihi hiam cih leh: Khrih in eite a dingin a nuntakna hong pia hi. Ei zong i Khristian mipihte a dingin i nuntakna i piak ngam ding ahi hi.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun ka hong thum hi. Tua banga kipiakna pen Pasian biakna man taktak ahi hi.

1 PETER MASA 2:5

Note zong nuntakna a piathei suangpi mah bangin kha thu tawh kisai biakinn lam nadingin na kizang unla, Jesuh Khrih hangin Pasian’ santheih biaknate a pia dingin a siangtho siampi na suak un.

1 THESALONIKA MASA 2:8

Note hong it mahmah ka hih manun Pasian kiang panin a hong pai Lungdamna Thu bek hong gen loin, kote’ nuntakna mahmah zong note a dingin a pia ngamin ka om uh hi. Tua ahih manin kote’ hong muhna-ah note a manpha mahmah na hi uh hi.

Filippi 4:18

Note’ hong piak nate kicing piikpeek hi. Epafroditas in note’ hong na khakte hong tunpih ahih manin ka kitangsapna khempeuh kicingkim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua-ah khihcipna a thuak ding bek hi loin, Topa Jesuh hangin a si ding ciang dongin a kithawisa ka hi hi,” ci-in a hong dawng hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Gamlak-vakna 28:6

Tua pen Topa’ tungah mei tawh kihal biakna, a gim namtui dingin Sinai Mual-ah a kikipsak, a kitatsat lo meihal biakna ahi hi.

Gamlak-vakna 28:7

Leenggahzu tawh biakna pen tuuno khat ciangin hai khat hi ding hi. Topa’ tungah leenggahzucil tawh biakna pen siangtho munah na sung ding uh hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Filippi 2:18

Tua mah bangin note in zong hong lungdampih ta un.

2 KORIN NIHNA 4:12

Tua ahih manin kote a dingin sih nading a kisepsep laitakin note’ nuntak nading a kisem niloh ahi hi.