Filippi 2:15 - Tedim Bible

¹⁵ Tua hileh a lungsim kawi, a hoih lo leitung mite lakah paubaanna a nei lo a siangtho, Pasian’ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Tedim Bible Revision 2017

¹⁵ Tua hileh a lungsim kawi, a hoih lo leitung mite lakah paubaanna a nei lo a siangtho, Pasianʼ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Filippi 2:15 Referans Kwoze

1 PETER MASA 2:12

Gentail mite in note mi hoih lo hi, ci-in hong gensia nuamin mawhna hong zon ciangin, note’ hoihna bekbek mu-in, Pasian a hong pai Ni ciangin a phattheih nadingun amaute lakah na gamtatna uh hoihsak tawntung un.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Isaiah 60:1

Jerusalem khuapi aw, tho-in sun nitaang bang in! Topa’ minthanna in nangmah hong taanzo hi.

1 THESALONIKA MASA 5:23

Nopsakna a hong pia Pasian in na khempeuhah sianthona le kicinna hong pia hen la, na kha uh, na nuntakna uh, le na pumpi uh hoihtakin hong kem hen la, i Topa Jesuh Khrih hong pai ciangin mawhna khat zong a nei het lo dingin hong bawl tahen.

Thu-hilhkikna 32:5

Ama tungah amaute gamtat sia uh a, amaute’ sitbaanna hangin ama tate hi nawn lo uh hi. Amaute pen a lampial, a lungsim kawi khang mite ahi uh hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

1 KORIN MASA 1:8

Ama hong kilatkik hun ciang dong, a tawp dongin mawhna le kisuanna nei loin na om nadingun i Topa Jesuh Khrih mah in note hong huh ding hi.

Titu 2:10

a guktak loh nading, a tawntungin hoih gamtatin a cihtakna uh a kilatsak nadingun na hanthawn in. Tua hileh eite hong Hon Pasian’ thu a hoihna a kilangsakte ahi ding uh ahi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

1 TIMOTI MASA 3:10

A masa-in kize-et phot ding a, paubaanna a om kei leh sem thei pan ding uh hi.

1 TIMOTI MASA 3:2

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi,

Filippi 1:10

Tua hileh Khrih hong paikik ni ciangin paubaanna om loin a siangtho na hi ding uh hi.

ROM (Romans) 16:19

Lungdamna thu tawh kisai-ah na cihtakna uh mi khempeuh in thei ahih manin hih thu-ah kong lungdampih mahmah hi. A hoih bang hiam, ci-in theih nading pilna nei-in, a sia peuhmah tawh na kizopkhak hetloh nading uh kong deihsak hi.

Sawltak 2:40

Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

Mattiu 10:16

“Ngiahon lakah tuu a kikhah bangin note hong sawlkhia ka hih manin gul bangin pilvang unla, vakhu bangin migi un.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

Titu 2:15

Hih ka hong thugente hilh inla, mite taii-in na hanthot ciangin na aana neihteng khempeuh zang kawm in. Mite’ simmawhin om kei in.

Titu 1:6

Upate pen paubaanna a om lote hi ding a, zi khat bek nei-in, a tate zong thu um mi hi-in, a thumang lo, a phengtat gawpte hi lo ding uh hi.

1 TIMOTI MASA 5:20

A khial takpi upa a om leh upa dangte a lautheih nadingin a lawmte mai-ah tua a khial pa taii-in thuhilh in.

Sawltak 20:30

Note sung mahmah panin zong mi pawlkhat in thu um mite khemin a zolkhiat hun hong tung ding hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Late 122:5

David’ innkuante’ kumpi tokhom, thukhenna ding kumpi tokhomte, tua lai-ah kikoih hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satan’ pawlte, note’ mai-ah hong paisakin na khephung uhah ka boksak ding a, note ka hong itna thu amaute ka theisak ding hi.

1 TIMOTI MASA 5:14

Tua ahih manin, i langte’ hong gensiat nading a om loh nadingin, a khangno lai meigong numeite in pasal nei-in, ta nei-in, amau innkuansung ukin a om ding uh ka deihzaw hi.

1 TIMOTI MASA 5:7

Amaute paubaanna a om loh nadingin hih ka hong thupiaksate amaute tungah gensawn in.

2 KORIN NIHNA 6:17

Tua ahih manin Vanglian Topa keimah in kong genin-ah: Amaute tawh kikhenin amaute kiang panin paikhia unla, a siang lo peuhmah sukha kei un. Tua hileh note ka hong ngai ding hi.

Luka 1:6

A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Paunak 8:8

Ka gen khempeuh ahi vive hi a, zuauthu, thukawi om het lo hi.

Daniel 6:4

Tua ahih ciangin vaihawmpi dangte le gam ukpite in Daniel’ nasepna encikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a muzo kei uh hi.

Filippi 3:6

nak hahkatlua kisa-in pawlpite nangawn ka bawlsia hi. Thukham zuihna tawh midik kitang ding hileh paubaanna mahmah ka nei kei hi.

Mangmuhna 2:5

Tua ahih manin na lampialna uh phawkin, na mawhna uh panin kihei unla, na gamtat ngeisa bangun gamta kik un. Na mawhna panun kihei-in na kisikkik kei uhleh note kiangah hong pai-in na meivakna uh ka hong lakkhiatsak ding hi.

Paikhiatna 34:35

Israel mite in Moses’ maitang vun a taang mu uh hi. Amah tawh a kiho dingin a pai matengin Moses in kiliahna puan tawh a maitang a khuh kik hi.