Filippi 2:12 - Tedim Bible

¹² Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Tedim Bible Revision 2017

¹² Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Filippi 2:12 Referans Kwoze

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

Hebru 4:11

Tua ahih manin amaute in a uploh manun Pasian’ tawlngakna munah a lut zawh loh uh bang hi loin va pai-in Pasian tawh i tawlngak khawm theih nadingin hanciam ciat ni.

1 PETER MASA 2:11

Ka itte aw, hih leitungah gamdang mi, a peempak bangin kingaihsun unla, na kha nuntakna uh tawh a kilehngat pumpi’ deihnate na kikham un.

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Filippi 1:27

Note tawh a omkhawm dingin ka hong paithei a, ka hong paithei kei zongin note in lungdamna thu tawh kipawl upna thu-ah ngimna kikhatin kiptakin na om nading uh le deihna kikhatin na dokhawmna thu uh ka zak theih nadingin Khrih hanga lungdamna thu tawh a kilawm a kituakin na nuntak ding uh a thupi pen ahi hi.

Isaiah 66:2

Hih nate khempeuh keima bawlsa ahih manin hih nate khempeuh keima-a’ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu-ah lau-in a ling kelkel pa, keima deih mipa ahi hi.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

2 TIMOTI NIHNA 2:10

Tua ahih manin Pasian’ teel mite in zong Khrih Jesuh hangin hotkhiatna le tawntung minthanna a ngahkhawm theih nadingun amaute’ hangin na khempeuh ka thuak hi.

Paunak 13:4

Thadah mi in a deih ngahzo lo a, nasep hahkat mi in a deih khempeuh ngahzo hi.

Hebru 4:1

Ahi zongin tu-in eite va pai-in amah tawh i tawlngak khawm theih nadingin Pasian in thuciam hong nusiat khin ahih manin tua tawlngakna munah a lutlah na suahkhak loh nadingun lau-in kidawm ni.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Filippi 4:1

Tua ahih manin sanggamte aw, note ka hong it mahmah a, nakpitakin ka hong goih hi. Note in nakpitakin kei na hong lungnuamsak uh a, note ka hong angtanpih mahmah hi. Tua hi a, sanggamte aw, Topa sungah kiptakin nungta un.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

Filippi 1:29

Bang hang hiam cih leh Khrih’ na sep nading hunpha zong note tungah a hong kipia hi a, Khrih upna tawh ama na a sem hi bek loin, thuakna tawh zong a sem ding na hi uh hi.

Late 119:120

Nang kong zahtakna hangin ka khuasikmul suak a, na thukhennate ka zahtak hi.

Late 2:11

Launa tawh Topa’ na sem unla, linna tawh a khe nam un; tua hikeileh amah sinso-in lamkalah na siamang ding uh hi; bang hang hiam cih leh amah heh pakpak hi. Amah a bel khempeuh mi nuamsate ahi hi.

2 KORIN NIHNA 7:15

Note in ama thu mangin, launa le linna tawh amah na zindona uh a ngaihsut ciangin Titus in note hong itna khang semsem hi.

1 KORIN MASA 2:3

Tua ahih manin note kiangah kong pai lai-in thaneemin, launa tawh ka ling a,

Efesa 6:5

Silate aw, launa le linna tawh na leitung tote uh thu mang unla, Khrih’ na na sep uh mah bangin lungsim takpi tawh na na sepsak un.

Isaiah 66:5

Ama thu-ah lau-in a ling mite aw, Topa’ thu za un: Keima tungah note nong cihtakna hangun na mipihte uh pawlkhat in note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Paunak 10:16

Mihoihte’ thaman nuntakna hi a, migilote’ thaman siatna ahi hi.

Mattiu 11:12

Tuiphumpa Johan’ thuhilh hun a kipan tu ciang dong, mite in vantung ki-ukna thu hong kituhteh gawp uh a, thahatthu hong ciam uh hi.

Ezra 10:3

Tua ahih ciangin tu-in, ka topa uh nangma ngaihsutna le i Pasian’ thupiakna a kihta mite’ ngaihsutna bangin hih i zite le a tate uh i makna ding thu i Pasian’ tungah kiciam ni. Tua ciangin thukham sunga om bangin gamta ni.

Sawltak 9:6

Ahi zongin tho-in khuapi sungah lut in; tua lai panin na gamtatna dingteng hong kigen ding hi,” a ci hi.

Filippi 2:19

Note kiang panin thu ka zakna hangin ka lung a noptheih nadingin note kiangah Timoti ka hong paisak baih nadingin Topa Jesuh in hong huh ding hi, ci-in ka lamen hi.

1 KORIN MASA 4:14

Hih bangin lai ka hong gelh ciangin na maizum nading uh ka deihna hi lo a, ta itte thuhilh bangin a hong thuhilh ka hi hi.

Filippi 4:15

Na theihsa uh mah bangin Lungdamna Thu ka hilh cil lai-in note’ gam Masedonia panin ka paikhiat hunin no Filippi pawlpite bek mah in kei na hong huh uh a, ka ngahna le ka piakkhiatnate, note bek mah in a hong theihpih na hi uh hi.

Sawltak 16:29

Thongcing pa in zong meivak a la dingin mi khat sawl a, thong sungah tai-in laukawm lingkawmin Paul le Silas khe kiang va kidenna-in a va boksuk hi.

Filippi 1:6

Note sungah hih nasep hoih a hong pankhia Pasian in Jesuh Khrih hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.