Filippi 1:8 - Tedim Bible

⁸ Jesuh Khrih lungsimzah mahin note ka hong it taktakna thu Pasian in a hong thei hi.

Tedim Bible Revision 2017

⁸ Jesu Khris lungsim zah mahin note ka hong it taktakna thu Pasian in a hong thei hi.

Filippi 1:8 Referans Kwoze

Filippi 4:1

Tua ahih manin sanggamte aw, note ka hong it mahmah a, nakpitakin ka hong goih hi. Note in nakpitakin kei na hong lungnuamsak uh a, note ka hong angtanpih mahmah hi. Tua hi a, sanggamte aw, Topa sungah kiptakin nungta un.

ROM (Romans) 1:9

Ama Tapa hangin Lungdamna Thu ka lungsim khempeuh tawh hilhin a na ka sep Pasian in hih ka thugente a man taktak ahihna thu hong thei hi.

2 TIMOTI NIHNA 1:4

Na khitui luannate phawk ka hih manin ka lung a dam theih nadingin nang tawh kimu nuamin a sun a zanin ka ngaihsun tawntung hi.

1 THESALONIKA MASA 2:8

Note hong it mahmah ka hih manun Pasian kiang panin a hong pai Lungdamna Thu bek hong gen loin, kote’ nuntakna mahmah zong note a dingin a pia ngamin ka om uh hi. Tua ahih manin kote’ hong muhna-ah note a manpha mahmah na hi uh hi.

ROM (Romans) 9:1

Kei, Khrih tawh kipawl ka hih manin zuauthu ka gen thei kei hi. Kha Siangtho lamlahna tawh, ka lungsim kitheihna-ah zuau gen hetloin a mantakin ka gen thu in:

Filemon 1:12

Keima pumpi zahin ngaihsutna tawh nang kiangah amah ka hong puakkik hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Kolose 2:1

Note a kipan Laodisia khuamite le kei a hong thei ngei nai lo mi khempeuhte a’ ding nangawnin hahkat takin na ka sem hi.

Galati 4:19

Taneute aw, note in Khrih’ pianzia bang na neih dong uh, naupaii nupi in ta a suah ding a gimpih bangin note ka hong lunggimpih ding hi.

Galati 1:20

Hih ka thugente a man vive hi a, zuau gen het lo ka hih lamtak Pasian in hong thei hi.

2 KORIN NIHNA 7:15

Note in ama thu mangin, launa le linna tawh amah na zindona uh a ngaihsut ciangin Titus in note hong itna khang semsem hi.

2 KORIN NIHNA 6:12

Kote in ka lungsim uh a hong pia lo hi loin note in na lungsim uh a hong pia lo na hizaw uh hi.

Luka 1:78

I Pasian lungnem mahmah a, hehpihna hong nei hi. Eite tungah hotkhiatna khuavak hong taangsak ding a,

Isaiah 63:15

A siangtho, a minthang, nangma omna vantung panin hong ensuk inla hong mu in. Nangma deihsakna le na vangliatna koi-ah omta ahi hiam? Na lungsim’ deihna le nangma hehpihna kote a dingin maimangta hi.

Isaiah 16:11

Tua ahih ciangin Moab gam hangin laiza lasakna bangin ka lungsim kisat gaihgaih a, Kirhareseth khuapi hangin kei mahmah zong ka kisat gaihgaih hi.

1 JOHAN MASA 3:17

Mi khat hau mahmah hen la, a Khristian mipih a cimawhte mu napi-in huhna bangmah pianuam hetkei leh, bang hangin amah in Pasian ka it hi, ci thei ding ahi hiam?

Filemon 1:20

Tua ahih manin sanggam aw, Topa’ hangin hih ka hong thumna hong pia in. Khrih sungah unau khat ihih manin ka lungsim hong nuamsak in.

1 THESALONIKA MASA 2:5

Tua ahih manin note in na theih uh mah bangin mite’ lungdam theih nading phatna kamte ka zang kei uh a, kote’ phattuam nading ngaihsutna tawh zong bangmah ka sem het kei uh hi. Hih bang ka hihna uh Pasian in hong thei hi.

Kolose 3:12

Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

Filippi 2:26

Amah in note hong munuam mahmah a, ama natna na zak manun amah zong lunghimawh mahmah hi.

Filippi 2:1

Note, Khrih tawh kipawlin na nuntakna uh in note hong thahatsak hi. Kha Siangtho tawh kikhawlin, khatlekhat kihehpihin, dikna na kibawl uh hi.

2 KORIN NIHNA 13:9

Kote’ deih bulpi pen note na cingtaak theih nading uh ahih manin note’ thahat laitakin kote ka thaneemna uh zong ka nuam veve uh hi.

JOB (Job) 16:19

Kei a dingin a ding ding, a hong panpih ding mi khat vantungah om hi.

Galati 3:26

Khrih Jesuh tawh na kipawl manun note khempeuh Pasian’ tate na suahtheihna uh pen na upna hang uh ahi hi.