Filippi 1:29 - Tedim Bible

²⁹ Bang hang hiam cih leh Khrih’ na sep nading hunpha zong note tungah a hong kipia hi a, Khrih upna tawh ama na a sem hi bek loin, thuakna tawh zong a sem ding na hi uh hi.

Tedim Bible Revision 2017

²⁹ Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

Filippi 1:29 Referans Kwoze

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

1 PETER MASA 4:13

Tua bangin Khrih tawh thuakkhawm le-uhcin ama minthanna hong kilat ciangin note lungdam mahmah ding na hih manun, tua banga na thuakna uhah na lungdamzaw un.

Sawltak 5:41

Uliante omna panin sawltakte paikhia uh a, Jesuh’ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

ROM (Romans) 5:3

Haksatna i thuak laitak nangawnin i lungdam veve hi. Bang hang hiam cih leh haksatna in thuakzawh hatna piangsak a,

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Efesa 2:8

Note’ upna hangin Pasian’ hong hehpihna tawh hotkhiatna a ngah na hi uh hi. Note’ thalawhna hangin a ngah hi loin Pasian’ hong piakkhong ahi hi.

Kolose 2:12

Note tui na kiphum uh ciangin Jesuh tawh kiphum khawmin, misite’ lak panin Khrih a thosak Pasian’ vangliatna na up manun Khrih mah tawh tuiphumna panin a thokhawm leuleu na hi uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uhah Pasian in na a seppihna khempeuh le Gentail mite in zong thu a uptheih nadingun Pasian in lam a honsaknate khempeuh a gen uh hi.

Sawltak 13:39

Tua tham loin Jesuh a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.